Barreiros, 29 de xullo de 2025. O Concello de Barreiros pon en marcha unha nova campaña de reparto de composteiros individuais para fomentar a reutilización dos residuos e o seu aproveitamento; reducindo así a cantidade de residuos orgánicos que actualmente se depositan no colector verde.
Campaña informativa cun posto público e apertura das listas para solicitalo
O vindeiro venres, 1 de agosto colocarase un posto de información pública sobre a campaña e o proceso diante do Centro de Saúde, en horario de 8:30 a 13:00horas. Nese posto, as persoas que se acheguen obterán información sobre a compostaxe e sobre a propia campaña, podendo anotarse para solicitar o seu composteiro individual, que será entregado posteriormente nunha xornada formativa.
Igualmente, a partir desa data (1 de agosto) e ata o 14 de agosto, as persoas interesadas poderán anotarse para solicitar participar na campaña chamando ás oficinas municipais no 982.124.002, facilitando nome, enderezo onde se situará o composteiro e número de teléfono.
A entrega de composteiros realizarase por estrita orde de anotación, tendo prioridade para os mesmos as persoas empadronadas.
Fomentar a compostaxe doméstica: reducir residuos para alimentar a terra
Mediante o incremento do programa de compostaxe doméstica, o Concello de Barreiros pretende incidir na necesidade de reducir os residuos que se depositan no contedor verde xenérico, ao tempo que se pode obter un composto que se utiliza como acondicionador de solos en xardíns e hortas das vivendas que os fabriquen.
Desde a concellería de medio ambiente explican que para facer “compost” só se precisa un pequeno espazo na horta ou xardín e que nel poden depositarse restos orgánicos como froita, verdura, cascas de ovo, pousos de café, restos de poda, follas ou céspede.
Dámaso Ratoeira insiste en que “calquera persoa pode obter este produto e pode contribuír a reducir residuos, de xeito que os custos tanto económicos como ambientais da xestión do lixo se poden ver notablemente mellorados con un pequeno xesto”.
Xunto cos composteiros, entregarase o material necesario para levar a cabo o proceso, así como os manuais coa información necesaria. A entrega dos mesmos terá lugar nunha xornada formativa na que tamén se poderán aclarar calquera dúbida que poida existir e o programa contará con visitas de seguimento e soporte técnico a posteriori.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
