Trabada, 31 de xullo de 2025. Trabada acolle o vindeiro venres 8 de agosto ás 19:00 horas unha actividade deportiva totalmente nova no municipio: unha carreira-andaina de orientación, organizada por Castropol Deporte coa colaboración do Concello de Trabada.
A proba terá lugar polo casco urbano de Trabada, con saída desde a Praza do Concello, e está pensada para todos os públicos, sen necesidade de ter experiencia previa. Trátase dunha actividade lúdica e deportiva que combina o exercicio físico coa orientación no espazo, e que pode facerse tanto correndo como camiñando, polo que é accesible para persoas de todas as idades.
Haberá dous tipos de percorridos, medio e longo, e poderase participar de forma individual, en parellas ou en grupos de ata 4 persoas. A inscrición está aberta ata o martes 5 de agosto, a través da web castropoldeporte.wordpress.com, cun custe de 6 € para persoas federadas e 8 € para non federadas. Os non federados deben cubrir o formulario dispoñible no enlace indicado no cartel.
O alcalde de Trabada, Rubén García, destacou que “é a primeira vez que organizamos unha actividade deste tipo e facémolo con moita ilusión. Queremos seguir diversificando a oferta deportiva e de lecer no noso concello, ofrecendo propostas accesibles, atractivas e pensadas para todas as idades. Esta carreira-andaina é unha excelente oportunidade para practicar deporte ao aire libre e en familia, coñecendo mellor o noso entorno”.
O Concello de Trabada anima a toda a veciñanza e visitantes a inscribirse e participar desta iniciativa diferente e divertida, pensada para gozar da actividade física nunha contorna segura e participativa.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
