Os populares advirten que “a distribución de prazas entre centros educativos amosa desaxustes que comprometen a equidade: o servizo asociado á Escola Infantil dispón de 30 prazas e no CEIP Mato Vizoso só 20 cando a matrícula é superior e quedan 6 nenos e nenas fóra”
Vilalba, 29 de xullo de 2025. Os concelleiros do Partido Popular de Vilalba instarán formalmente no Pleno deste xoves ao goberno bipartito de PSOE e Vilalba Aberta a ampliar o servizo de Madrugadores co obxectivo de garantir o acceso a todas as familias que así o solicitaron, estudando a reorganización do servizo ou outra medida que permita dar unha resposta eficaz e inmediata á demanda existente.
Os populares amosan a súa preocupación porque “varias familias quedaron sen praza para o vindeiro curso neste servizo de apoio á conciliación a pesar de ter formalizado correctamente a súa solicitude”.
“Esta situación pon de manifesto unha insuficiencia na planificación da oferta existente fronte á demanda real, o que impide garantir o acceso en igualdade de condicións a un recurso básico para moitos fogares do municipio”, segundo manifestan.
Ademais, advirten que “a distribución de prazas entre centros educativos amosa desaxustes que comprometen a equidade: non parece razoable que se admitan arredor de 30 nenos e nenas no servizo asociado á Escola Infantil, cando o número total de matrícula dese centro é inferior ao do CEIP Mato Vizoso, e neste centro só se admitan 20 prazas e queden 6 nenos e nenas fóra”.
O Grupo Municipal Popular destaca que o servizo permite que os nenos e nenas poidan ser atendidos en horario temperán, favorecendo así a organización dos fogares e respondendo a unha necesidade real da poboación. Tendo en conta que se trata dun apoio directo ás familias, defenden que o servizo “debe adaptarse á demanda existente”.
Polo tanto, os populares cren que “o goberno local debe dar resposta a todas as solicitudes e evitar situacións de exclusión ou discriminación entre as familias vilalbesas”.
PUNTO DE ATENCIÓN Á INFANCIA
O PP de Vilalba considera que “o compromiso do goberno bipartito coa conciliación é só propaganda porque á hora da verdade non se implican en dar solucións ás familias vilalbesas”.
Así o subliñan poñendo como exemplo o Punto de Atención á Infancia (PAI) que “tardaron anos en poñer en marcha a pesar de ser coñecedores da demanda de prazas de atención a nenos e nenas de 0 a 3 anos en Vilalba”.
Primeiro pedían que a Xunta incumprise as normas na escola da Galiña Azul e, cando a administración autonómica ofreceu a súa colaboración para a habilitación dun PAI, prolongaron no tempo o acondicionamento dun local axeitado.
Os populares lembran a este respecto que a Xunta demostra “o seu apoio a Vilalba e o seu compromiso real coa conciliación” achegando preto de 124.000 € que supón máis dun 90% do investimento total e que aporta en torno ao 62% do seu custo anual.
Unha vez aprobado o regulamento deste servizo municipal, os populares esixen ao goberno local explicar cando vai abrir as súas portas: “agardamos a súa posta en marcha para este curso 2025/2026”.
PLANIFICACIÓN TURÍSTICA
Os populares cren que “Vilalba ten un importante potencial turístico polos seus recursos naturais e paisaxísticos e polo seu patrimonio histórico, cultural e arquitectónico, ademais doutros atractivos”.
O verán é temporada alta, pero a Oficina de Turismo permanece pechada. E, ademais, dende o PP local botan en falta un impulso á promoción turística por parte do goberno bipartito.
É por iso que tamén pedirán explicacións no vindeiro pleno, entre outros temas, sobre as accións que contempla o equipo de goberno nese sentido e sobre os motivos polos que permanece pechada a Oficina de Turismo.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
