Ribadeo, 31 de xullo de 2025. A Asociación de Comerciantes, Industriais, Servizos e Autónomos de Ribadeo realiza un balance económico e turístico positivo do mes de xullo. As expectativas para agosto, tanto para o comercio como para a restauración e os hoteis, son moi boas.
A presidenta de Acisa, Carmen Cruzado, subliñou que “as cifras están aí e falan dun crecemento do turismo na comarca da Mariña dun 25% en xullo con respecto ao ano pasado. E Ribadeo fixo un bo mes de xuño e un bo mes de xullo. Non había máis que dar unha volta polas rúas para velas ateigadas de xente, o aparcamento municipal algúns días estivo repleto, algo que solo acontecía en agosto. Houbo moito tráfico e moito movemento na nosa vila”.
Sobre a ocupación hoteleira indicou que “roldou entre o 75 e o 85% de media en xullo, segundo os datos que nos ofrecen os nosos asociados. Moitos nos indican que as reservas foron constantes, con moitas estancias de curta duración, pero cun importante fluxo de visitantes que se renovou cada poucos días. As expectativas para agosto son moi boas. Hai moitas xornadas nas que será do 100% sobre todo entre o 4 e o 17”.
O xerente de Acisa, Jesús Pérez, contou que “no sector da hostalaría, en concreto nos bares e no ocio nocturno, xullo foi un mes bo, aínda que a actividade tardou en coller ritmo. De luns a venres caracterizouse por un consumo máis moderado e con menor afluencia en horario nocturno, mentres que as fins de semana concentraron a maior parte da actividade con establecementos cheos e ambiente nas rúas. No caso da restauración, os resultados foron máis positivos. O mes comezou con certa calma, pero a partir da segunda semana notouse unha suba moi clara no consumo, con establecementos cheos a diario e unha clientela disposta a gozar da gastronomía local”.
O mes de xullo tamén foi moi ben para o comercio ribadense: “os nosos socios coinciden en que este xullo funcionou mellor que o do ano pasado. Houbo maior volume de vendas e máis movemento no centro da vila. Aínda que o perfil do turista foi, sobre todo, de curta estancia e cun comportamento máis de visita que de consumo, o balance global é moi positivo. Os bos resultados indican que a campaña de rebaixas este ano arrincou moi ben. O comercio de Ribadeo amosa o seu éxito con estes datos”, explicou Carmen Cruzado.
Sobre o tipo de turismo que predominou a presidenta de Acisa apuntou que “xullo estivo marcado na súa maioría por un turismo de paso, de poucos días, que ven ver Ribadeo, coñecer a contorna e seguir a súa ruta. Houbo moita presenza de visitantes estranxeiros, máis que noutros xullos, procedentes de Francia, Italia, Portugal, Holanda, Alemaña e outros países. E o Camiño do Norte segue a ser un goteo constante de peregrinos que aproveitan tamén o verán para facer esta ruta”.
Sobre as expectativas para o mes de agosto o xerente de Acisa asegura que “son excelentes. A chegada do turista de segunda residencia, que se instala na vila por semanas ou todo o mes, é clave para o comercio e a hostalaría. É un perfil de visitante que sae máis, consome máis, participa nas actividades culturais e compra nos establecementos locais. Por iso, cremos que agosto será mellor que xullo en termos de facturación
Acisa seguirá traballando en accións de dinamización e apoio ao tecido empresarial, “convencidos de que Ribadeo é un destino consolidado e atractivo, e de que é fundamental manter unha oferta de calidade tanto no sector servizos como no comercial e turístico, por iso en poucos días daremos a coñecer as novas actividades que desenvolveremos en agosto”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
