Trabada, 4 de agosto de 2025. A parroquia de Vilaformán acolle desde esta tarde unha nova edición do programa Veiguelleo, unha proposta cultural organizada pola Asociación Cultural O Veiguello coa colaboración do Concello de Trabada. Trátase dunha iniciativa aberta a toda a veciñanza, que este ano volve celebrarse tras o éxito que acadou a edición anterior.
O programa desenvolverase en dúas xornadas principais:
– Luns 4 de agosto, a partir das 17:00 horas, terá lugar o obradoiro Memoráreo, un taller de dixitalización e retoque fotográfico con intelixencia artificial e edición de audio. As persoas participantes poderán levar as súas fotos antigas para conservalas e poñelas en valor.
– Durante estes días, de luns a xoves, celebrarase tamén o Creadoiro Cine do Eo, no que dous artistas convidados, xunto cos cineastas Alfonso Zarauza, Ledicia Sola e Miguel de Lira, gravarán curtametraxes con participación veciñal.
O xoves 7 de agosto, como colofón, o Teleclub de Vilaformán acollerá unha xornada festiva a partir das 20:00 horas. Proxectaranse as fotografías recuperadas e os traballos audiovisuais elaborados ao longo da semana. Despois, haberá churrasco, concerto e un espazo de convivencia no que se anima a achegar algo para compartir no picoteo.
O alcalde de Trabada, Rubén García, salientou que “seguimos apoiando ao tecido asociativo do noso concello. Colaboramos con todas as asociacións e clubs que, coma no caso de O Veiguello, organizan propostas culturais, deportivas ou festivas que enriquecen a vida das parroquias e fortalecen o noso sentido de comunidade”.
Desde o Concello de Trabada e a organización anímase á veciñanza a participar nesta iniciativa que pon en valor a memoria colectiva e a creatividade local.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
