Ribadeo, 14 de agosto de 2025. O 16 de agosto terá lugar en Remourelle a XVIII Festa da Carne ao Caldeiro, que organiza a asociación veciñal A Madanela coa colaboración do Concello de Ribadeo e da Xunta de Galicia.
O alcalde, Dani Vega, contou que “esta fin de semana, concretamente o sábado 16, celébrase a Festa da Carne ao Caldeiro, coa que Remourelle quere darlle un valor a un produto de proximidade, como é a carne de tenreira rubia galega, un produto de excelencia”.
O rexedor cre que “é moi importante resaltar estas celebracións, darlle valor a un produto tras o que hai moitísimo traballo de moitos gandeiros. E dende logo nosoutros, como Concello, queremos seguir colaborando con eles. É unha celebración onde se quere poñer en valor unha forma de vida, que é o gandeiría; un produto, que é a carne de tenreira rubia galega; e nesa celebración tamén vai haber momento para xogar aos bolos, como se leva facendo hai moito tempo, e dende o Concello colaboramos con eles”.
Vega felicita á asociación de veciños A Madanela polo traballo que están a realizar para manter tradicións coma esta: “a exaltación da carne ao caldeiro”. Subliñou que “xa o ano pasado se incorporou moita xente nova para traballar por Remourelle e dinamizar Remourelle. O relevo xeracional si que existe para que estas asociacións sigan tendo moita actividade e vida”. E convidou á veciñanza e visitantes a acudir a esta festa gastronómica.
O rexedor indicou que “a dinamización que ten Ribadeo con estes eventos o que fai é atraer unha cantidade de xente moi importante e tamén posibilitar que os veciños e as veciñas de Ribadeo gocen dun grande abanico de eventos durante todo o ano, aínda que se incrementan durante o verán”.
O 16 de agosto ás 14:00 horas terá lugar a actuación do Dúo Belinda para amenizar o xantar que dará comezo ás 14:40 horas, servido por Pulpería Suso, de Lugo. O menú consistirá en empanada, polbo, carne ao caldeiro, cachelos e pementos de Padrón, sobremesa, café e bebida. O prezo do menú será de 30 euros para os adultos e de 15 euros para a picaraxada de 7 a 12 anos. Os menores de 6 anos xantarán gratis.
Xa pola tarde terá lugar o Torneo de Bolos e a partires das 18:30 horas volverá a música do Dúo Belinda. Esta fin de semana, o 17 de agosto, Remourelle celebra tamén as festas na honra de Santa María Magdalena.
Xunto aos organizadores de ambas citas estiveron o alcalde, Dani Vega, a concelleira de Turismo, Marta Saiz, e o concelleiro de Medio Ambiente, Diego Dos Santos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
