Iria Carreira refírese á saturación de Urxencias do Hospital Clínico como exemplo da política de deterioro da sanidade pública do Goberno de Rueda
Santiago de Compostela, 15 agosto 2025. A deputada e portavoz de Sanidade Hospitalaria do BNG no Parlamento, Iria Carreira, denuncia a situación de colapso na que se atopa a sanidade pública galega durante este verán e reclama ao Goberno de Rueda un cambio de rumbo na súa política sanitaria porque, coa que está aplicando agora, “dinamita o sistema público” e “pon en risco a saúde” dos galegos e das galegas.
Tal e como anticipou o BNG ante a falta dun plan serio para garantir o bo funcionamento da rede sanitaria durante os meses de verán, o peche de camas e un cadro de persoal baixo mínimos está tensionando o funcionamento do sistema ao longo e ancho de todo o País, tanto na Atención Primaria como na hospitalaria.
Como exemplo do colapso no Sergas, Carreira refírese á situación que vén de denunciar a Asociación de Pacientes e Usuarios do Hospital Clínico de Santiago, onde se viviron días complicados pola saturación de Urxencias, con até 13 pacientes graves situados nos corredores. “Como non hai capacidade para ingresar en planta, satúranse as Urxencias que, ao mesmo tempo, sofren a falta de capacidade que teñen os centros de saúde para atender aos docentes”, explica a deputada, que lembra que, tamén no Clínico, houbo pacientes que tiveron que agardar ata 16 horas para poder ser trasladados en ambulancia ao seu domicilio cando xa tiñan a alta.
“O Sergas decide manter inoperativas preto de 800 camas, 111 delas na área sanitaria de Compostela, mentres temos unhas listas de espera totais absolutamente desbordadas e cunha atención primaria que está funcionando en base ao sobreesforzo e a voluntariedade das profesionais”, advirte Iria Carreira, que subliña os problemas pola falta de persoal que se están vivindo en centros de todo o País, que non poden prestar a asistencia sanitaria que a poboación require.
Carreira denuncia que “a política sanitaria do Partido Popular dinamita a nosa sanidade pública e pon a saúde da poboación en risco constante”, polo que empraza o Goberno de Rueda a tomar “medidas urxentes” para garantir unha asistencia sanitaria de calidade para todas as persoas na sanidade pública.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
Unha comedia orientada para público infantil escrita e dirixida por Bea Campos. Hora: 18h.
No marco do 8M, esta empresa de comunicación e publicidade decidiu celebrar a súa traxectoria reunindo a 18 mulleres diferentes para compartir as súas experiencias no ámbito persoal e profesional, co obxectivo de render un homenaxe á muller.
No acto, organizado coa colaboración da Vicepresidencia da Deputación e a área de Cultura do Concello, entregouse o Premio do Público ao filme Antes de Nós, de Ángeles Huerta, a obra máis votada pola cidadanía. A deputada de Cultura Iria Castro destacou que este encontro serve como adianto da gala e subliñou o orgullo de converter Lugo no epicentro do audiovisual galego durante estas semanas cheas de actividades arredor dos galardóns.
Cabe sinalar que o concello de Castro de Rei solicitou xa a súa adhesión ao novo convenio de xestión da biomasa nas faixas secundarias asinado entre a Consellería do Medio Rural e a empresa pública Seaga. Destacou así que a prevención é unha tarefa compartida por administracións e propietarios. Sinalou tamén as importantes novidades que presenta este convenio con respecto aos anteriores acordos, como é o incremento do orzamento, que ascende ata os 25 millóns de euros anuais.
A charla será impartida por Diego Fernández Méndez, colaborador da asociación, quen repasará a evolución do sector conserveiro e o seu impacto económico e social no municipio. A actividade inclúe un recoñecemento ás mulleres traballadoras de Conservas Albo, coincidindo coa conmemoración do 8M, cunha mención especial ás últimas empregadas que pecharon esta etapa histórica. A xornada rematará cunha degustación de produtos da marca.
