O Espazo de Preservación Familiar “San Aníbal Familia Educa”, ofrecido conxuntamente por Cáritas Diocesana de Mondoñedo-Ferrol e a congregación das Fillas do Divino Celo-Rogacionistas, xurdiu en Foz en 2023 co obxectivo de traballar coordinadamente en favor da infancia, os mozos e as súas familias
Burela, 18 de agosto, 2025. As actividades de “Familia Educa” Verán 2025 desenvólvense desde finais de xuño ata finais de agosto, cubrindo o tempo vacacional dos colexios. Un ano máis, o programa ten lugar nas instalacións do CPR Nosa Señora do Pilar de Foz, cedidas de forma completamente gratuíta pola comunidade das Franciscanas da Purísima Concepción.
“Familia Educa” non só aposta pola integración e a convivencia, a través dos seus programas de inverno e verán, senón que tamén axuda a crear moitos vínculos entre os nenos e os adolescentes que participan nestas actividades.
Estas actividades de verán teñen lugar de luns a venres polas mañás, de 9 a 14 horas, e están coordinadas por tres educadoras do programa “San Aníbal Familia Educa” xunto cun grupo de voluntarias de Cáritas de Foz.
O programa conta con 30 prazas, que se renovan quincenalmente, e nestes máis de dous meses terán chegado a máis de 150 menores de Foz. Ao longo destas dez semanas de verán organizáronse numerosas actividades divulgativas e de lecer, desde xogos tradicionais, como as chapas, a corda, a pita cega, a bomba, o brilé, carreiras de sacos, birlos, xogos con balón e colchóns; xogos de mesa, adiviñanzas, xogos de palabras e debuxos; xogos de equipo, busca do tesouro, bailes e xogos de auga.
Durante este tempo tamén se realizan diferentes obradoiros de manualidades, como crear e pintar figuras de barro ou papel reciclado, elaborar pulseiras artesanais ou pintar pedras, papel ou bolsas de tea. Así como a proxección dalgunhas das súas películas favoritas, como Harry Potter, Elemental, Zootrópolis, Big Hero Six ou Avatar 1 e 2.
Este Espazo de Preservación Familiar é un servizo gratuíto de prevención e formación no ámbito educativo e sociofamiliar, dedicado a mellorar as condicións de convivencia nas unidades familiares que se atopan, por unha ou outra circunstancia, en situación de certa vulnerabilidade.
A finalidade do proxecto é dotar tanto aos rapaces como aos seus proxenitores das ferramentas socioeducativas e psicosociais necesarias para un adecuado desenvolvemento da vida familiar no seu conxunto.
O Espazo de Preservación Familiar “San Aníbal Familia Educa” séguese consolidando como referente socioeducativo da contorna cos seus programas de inverno e verán. O programa de inverno está operativo de luns a venres polas tardes durante o período escolar, tendo dando atención ao longo de 2024 a 43 mozos de 28 familias diferentes. O programa de verán cobre o tempo vacacional dos colexios, con actividades desde xuño ata setembro.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
