Despacháronse 87 abonos para público adulto e as obras do luns e do martes da sesión nocturna tiveron cheo total
Cariño, 22 de agosto, 2025. O Concello de Cariño pechou de xeito “exitoso” a XLVII edición da Mostra de Teatro Galego. O evento, celebrado no municipio entre o domingo 3 de agosto e o sábado 9, deixou 14 espectáculos que encheron de maxia os escenarios do Auditorio Municipal e a Praza da Pulida, convertendo a vila nun punto de encontro para as artes escénicas. Ambos os dous enclaves foron os puntos nos que se desenvolveu unha programación que obtivo unha notable resposta do público, cunha media de asistencia superior ás 100 persoas por día.
En total, a Mostra de Teatro Galego logrou despachar 87 bonos para adultos, superando a cifra conseguida o ano anterior. Este pase permitía seguir en vivo as cinco funcións que o evento ofreceu no Auditorio Municipal en sesión nocturna. Pero, a maiores, foron moitas persoas máis as que se achegaron á instalación para gozar co talento interpretativo de compañías como Náufragos, Culturactiva, Malasombra ou Chévere, destacando os dous cheos que conseguiron estas dúas últimas compañías nas sesións do luns 4 e do martes 5 de agosto.
O domingo 3 abriuse a programación co acto de inauguración na Praza da Pulida a cargo da compañía Pedras de Cartón, que interpretou a súa peza ‘Moby Dick’. Nesa mesma localización, pero no horario nocturno, actuou a Compañía de Danza Fran Sieira co espectáculo ‘Un baile ceibe’. Ambas actuacións congregaron a un numeroso público na praza cariñesa.
Xa o luns, 4 de agosto, os espectáculos trasladáronse ao Auditorio Municipal, cunha primeira xornada na que ‘A nena e o grilo camiño das cores’, de Teatro dos Ghazafelhos & Magín Blanco, congregou a máis de 80 espectadores. Na sesión de noite, coa obra ‘Testosterona’ de Malasombra Producións, encheuse o aforo dispoñible, coa venda de máis de 100 entradas.
O martes 5 de agosto foi a quenda de ‘A nova historia da cigarra e a formiga’, de Teatro del Andamio, con máis de 120 entradas, mentres que o Grupo Chévere e a súa obra ‘As Fillas Bravas de Momán 2025’ repetiu o cartel de ‘todo vendido’ con máis de 100 entradas.
A sesión infantil do mércores 6 de agosto foi a que máis éxito tivo dentro do seu horario, coa interpretación de ‘Molto Barroco’ da Compañía Píscore, congregando a máis de 120 espectadores. Pola súa banda, ‘Ubasute’ da Compañía Berrobambán, rexistrou preto de 50 entradas vendidas.
O xoves 7 de agosto estivo protagonizado por ‘Bule Bule’, de Náufragos Teatro, con máis de 70 entradas, e por ‘Nada se sabe’, de Culturactiva Producións, con máis de 40 entradas vendidas.
Xa para rematar os espectáculos no Auditorio Municipal, o venres 8 de agosto celebráronse as obras ‘Crisálida’, de Caramuxo Teatro, con preto de 100 entradas vendidas, e ‘Arte sen guión’, da Compañía Galeatro, con máis de 60 entradas.
A XLVII edición da Mostra rematou o sábado, 9 de agosto, cunha dobre sesión de espectáculos circenses na Praza da Pulida, ambos de balde. Zirko Txosko actuou na quenda matutina con ‘Oh Pera!’, mentres que a Agrupación AsSircopatas fixo o propio na nocturna con ‘Rogelio III. La Fête’. Os dous espectáculos contaron cun numeroso público nas inmediacións da praza.
O número de entradas vendidas por cada sesión é aproximado e non inclúe os asistentes que accederon ás funcións nocturnas cos bonos, polo que o número de asistentes en cada unha destas sesións foi maior.
Cabe destacar que certos sectores non tiveron que pagar a entrada para algunhas representacións, como foi o caso dos nenos e nenas do campamento de verán do Concello de Cariño ou as persoas usuarias da Asociación Aspromor, que tamén acudiron como público a algunha obra completamente de balde.
Fin a unha edición “exitosa” que consolida á Mostra como referente
Segundo explicou a concelleira de Cultura, Laura García, o balance da 47ª edición da Mostra é “moi positivo”, catalogándoa como “exitosa”: “Estamos moi satisfeitos polo éxito desta 47ª edición da Mostra de Teatro Galego. Durante sete días, Cariño converteuse nun auténtico escenario aberto ás artes escénicas, cunha programación variada que logrou superar a media das cen persoas de asistencia diaria. É un orgullo ver como o público segue a responder con tanto entusiasmo”, apunta García.
Na mesma liña, a edila destacou que “este ano superamos a cifra de abonos vendidos respecto da edición anterior, o que confirma a fidelidade do público e a consolidación da Mostra de Teatro Galego de Cariño como un referente no sector a nivel comarcal e galego”.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
