A instalación atópase agora no proceso de enchido de auga, polo que a previsión e que o vaso poida abrir ao público cara mediados de mes, en canto de restablezan os valores mínimos de temperatura
Cervo, 1 de setembro de 2025. O Concello de Cervo vén de dar por finalizados os traballos de rexuntado e reparación da piscina olímpica de Lieiro, unha intervención centrada na mellora da estanqueidade do vaso principal e na posta a punto das instalacións de cara á nova tempada.
As actuacións desenvolveronse durante todo o mes de agosto, aproveitando o peche ao público do vaso, e permitiron corrixir as filtracións detectadas na estrutura, así como reforzar as xuntas de estanqueidade, que presentaban un notable desgaste polo uso continuado e o paso do tempo. Ao mesmo tempo, realizáronse tarefas complementarias de mantemento co obxectivo de garantir o correcto funcionamento da infraestrutura.
Desde o Concello explican que se trataba dunha intervención necesaria e prioritaria, que responde ao compromiso do Goberno local co coidado e mantemento das instalacións deportivas municipais.
Unha vez finalizada a obra, cómpre agora agardar ao proceso de enchido do vaso da piscina, un procedemento complexo que require de varios días, xa que se realiza de xeito gradual para garantir a súa correcta posta en servizo, polo que a previsión é que as instalacións poidan abrir as súas portas a mediados deste mes.
Nos vindeiros días abrirase tamén o prazo de inscrición para as persoas interesadas en participar nos cursos e actividades deportivas e formativas habituais na piscina olímpica.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
