O tráfico pesado segue a atravesar o núcleo de Figuerido pola falta desta infraestrutura esencial
Cervo, 3 de setembro do 2025. O Concello de Cervo vén de remitir un escrito á Deputación Provincial de Lugo no que lle solicita a reanudación das obras do enlace directo entre a estrada N-642 e o Polígono Industrial de Cuíña, unha infraestrutura considerada esencial para o desenvolvemento económico do municipio e para a mellora da seguridade viaria.
A alcaldesa, Dolores García Caramés, lembra que a Deputación asumira no seu momento o compromiso de executar esta actuación, chegando mesmo a iniciar un primeiro tramo que quedou posteriormente paralizado.
Mentres tanto, o tráfico pesado con destino ao polígono continúa, en moitos casos, a circular polo núcleo de Figuerido, a través dunha estrada local que non está preparada para soportar ese volume e peso de vehículos. Esta situación xera riscos para a seguridade viaria, danos en vivendas próximas e molestias ambientais e acústicas para os veciños.
Co obxectivo de minimizar este impacto, o Concello de Cervo xa adoptou diferentes medidas, entre as que destacan a instalación de badéns redutores de velocidade e a colocación de sinalización que prohibe a circulación de vehículos pesados por esta vía. Con todo, cómpre subliñar que a administración local non dispón de medios persoais suficientes para garantir un control exhaustivo do cumprimento destas restricións.
No escrito remitido, o Concello de Cervo pide á Deputación que clarifique cal é a súa intención respecto á culminación do enlace, achegando un calendario de actuacións e confirmando que existe un compromiso orzamentario que garanta a súa execución.
“Non podemos permitir que unha infraestrutura clave para o noso municipio quede sen rematar, nin que os veciños de Figuerido teñan que seguir asumindo un tráfico que nunca debería pasar por alí. Agardamos que a Deputación dea unha resposta clara e actúe con responsabilidade”, subliñou a rexedora.
Desde o Concello lembran, ademais, que xa no ano 2021 se presentara unha proposta de Alcaldía aprobada no pleno municipal solicitando avances que non obtivo ningún tipo de resposta, polo que agora reiteran a necesidade dunha contestación en defensa dos intereses de Cervo e da súa veciñanza.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
