Nota de prensa:
José Manuel Balseiro, acompañado do alcalde deste concello, Jesús Novo, deron a coñecer a obra que executará o ente público autonómico Portos de Galicia
O VOCEIRO DO MAR DO GRUPO POPULAR SALIENTA O INVESTIMENTO DE MÁIS DE MEDIO MILLÓN DE EUROS NA REMODELACIÓN DAS INSTALACIÓNS NAUTICO-DEPORTIVAS NO PORTO DO VICEDO
• A obra prevista ten un prazo de execución de seis meses e inclúe o dragado da dársena portuaria e a dotación de 136 puntos de amarre.
• O 70% do investimento previsto financiarase con fondos procedentes da Unión Europea xestionados pola Consellería do Mar, o 30% das achegas restantes ata corren a cargo da Xunta de Galicia.
O Vicedo, 29 de novembro de 2010.- O voceiro do Mar do Grupo Parlamentario Popular, José Manuel Balseiro Orol, acompañado do alcalde do Vicedo, Jesús Novo Martínez, salientaron en rolda de prensa a súa grande satisfacción tras coñecer a previsión do ente público autonómico Portos de Galicia de achegar un investimento superior ao medio millón de euros destinado á remodelación das instalacións náutico-deportivas sitas neste concello da Mariña lucense.
O parlamentario mariñán xunto ao rexedor municipal sinalaron que o pasado venres o Diario Oficial de Galicia (DOG) publicaba a resolución pola que se procedía á licitación desta obra, que contará cun orzamento de 529.802,05 e que dispón dun prazo de execución de seis meses, a contar desde a data da adxudicación definitiva do contrato.
O 70% do financiamento desta actuación financiarase con fondos procedentes da Unión Europea xestionados pola Consellería do Mar, e o 30% restante correrá a cargo da Xunta de Galicia quen, unha vez máis, amosa a súa aposta decidida pola potenciación das infraestruturas náutico-recreativas, esenciais para a creación de riqueza nos concellos do litoral e para a consolidación desta actividade deportiva e básica para o impulso do turismo náutico.
José Manuel Balseiro explicou que a principal obra contemplada neste proxecto é a ampliación do número de prazas de amarre. Con carácter previo á execución don novos pantaláns será preciso realizar un dragado de 6.196 metros cúbicos de area para conseguir o calado suficiente para as embarcacións que terán acceso ás instalacións. Ademais para poder remodelar a dársena deportiva é preciso modificar a situación do módulo rachaondas, reubicándoo a 22 metros da bocana, segundo indicacións da Capitanía Marítima de Burela. Coa ampliación prevista dotarase ao porto de 136 puntos de amarre, todos eles, contarán con finger –pasarela de acceso- de dimensións axeitadas á praza.
PEIRAOS DE 12 X 2.50 M.
O módulo de peirao flotante de 12 x 2,5 m está fabricado con estrutura de aliaxe de aluminio. Terá unha superficie pisable e defensa perimetral de madeira tropical imputrescible de alta densidade. As aperturas laterais practicables a ambos os dous lados do peirao, son igualmente en aluminio para canalización de servizos auga/electricidade. A flotación conséguese con flotadores de poliester reforzado con fibra de vidro e recheos de poliestireno. Consta de 4 flotadores.
O módulo dique de 12 x 3 x 1.2 m está realizado en formigón prefabricado con alma de poliestireno expandido de 20 Tn de peso. O pavimento é de madeira de piñeiro escandinavo tratado con sales de cobre e con defensas realizadas en madeira, amortecedores de caucho e tortillería de aceiro inoxidable equipado cun perfil que facilite a ancoraxe de argolas de estacas e/ou fingers.
OUTRAS ACTUACIÓNS DA XUNTA
Esta non e a única actuación da Xunta de Galicia prevista nos orzamentos de 2011 para a súa execución no concello do Vicedo. As contas elaboradas polo Executivo que preside Alberto Núñez Feijóo tamén inclúen unha achega específica para a adecuación dos espazos da Casa do Mar de tal xeito que poida situarse alí unha nova infraestrutura de benestar para a atención ás persoas maiores. De feito a secretaria xeral de Familia e Benestar, Susana López, nunha recente visita a este concello, supervisou acompañada de técnicos da seu departamento o estado das instalacións e a potencionalidade favorable das mesmas para albergar unha infraestrutura destas características.
Outras das actuacións máis salientables é a reforma estrada Lu-862 (Viveiro-Vicedo-límite provincial) que recibirá 5,8 M€ e que permitirá corrixir o estado do pavimento desta vía, a mellora das súas interseccións e o repintado das liñas de sinalización da mesma. Tamén existen partidas orzamentarias específicas para diversos programas de planificación e ordenación forestal e de valoración, creación e diversificación de masas forestais.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
