Cervo , 5 de setembro de 2025. O Grupo Municipal Socialista de Cervo levou ao pleno celebrado este xoves unha moción para denunciar a precariedade da atención sanitaria no municipio e reclamar á Xunta de Galicia solucións urxentes. A iniciativa esixía cubrir todas as prazas de facultativos nos centros de saúde de Cervo e San Ciprián e reforzar o cadro de persoal do Hospital da Mariña, pero o texto foi finalmente alterado polas emendas de PP e BNG, que diluíron a contundencia da denuncia socialista.
Segundo explicou a voceira socialista, Mª Luján Ramos, o PP substituíu a moción por unha redacción “descafeinada” coa que tentou eludir a responsabilidade da Xunta e botar balóns fóra contra o Goberno de España, mentres que o BNG limitouse a introducir unha emenda de engádega. “As manobras do PP só buscan restarlle forza a nosa denuncia e evitar que o pleno esixa con claridade médicos en Cervo e San Ciprián”, advertiu.
Ademais, Ramos lembrou que o PP cualificou a exposición de motivos da moción como “inexacta” e mesmo “mentireira en certas partes”, pero non foi quen de presentar unha nova redacción. “Aínda que eles alegaban que non era exacta, mantiveron a nosa exposición de motivos. Se tan inexacta lles parecía, podían facer unha moción enteira propia e defendela. O que non é de recibo é criticar un texto e, á hora da verdade, manter o noso”, censurou.
Neste contexto, a voceira socialista incidiu en que finalmente se aprobaron os puntos introducidos polo PP e polo BNG, e mesmo un do Partido Popular era idéntico aos propostos polo PSdeG. “Nós sempre defendemos que o importante é remar todos no mesmo sentido para reverter esta insostible situación. Debemos loitar conxuntamente para que isto cambie, veña de onde veña a iniciativa”, subliñou
Ramos puxo tamén o foco na sobrecarga que sofren os profesionais da sanidade. “Estamos forzando a máquina. O persoal ten que asumir tarefas que non lles corresponden, cun nivel de presión constante que resulta inadmisible. Non podemos permitir que sexan eles quen carguen coas consecuencias da mala planificación da Xunta”, advertiu.
Así mesmo, acusou ao Goberno galego de “deixadez total na planificación sanitaria” e advertiu de que, lonxe de mellorar, a situación camiña a peor. Ramos subliñou que en Cervo o caos é xa evidente. “Non entendo como puidemos chegar ata este punto, con centros de saúde sen médicos de referencia e unha veciñanza que non sabe se vai ser atendida no seu Centro de Saúde”, asegurou.
A socialista fixo tamén fincapé en que esta situación afecta especialmente á poboación maior de Cervo. “Somos un concello envellecido, con moita xente maior que necesita atención continua. Chegan ao centro de saúde e non teñen con quen falar. A figura do médico de familia estase a desvirtuar, e iso deixa nunha situación de indefensión absoluta as nosas veciñas e veciños”, concluíu.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
