Lugo, 5 de setembro de 2025. Os museos provinciais -Museo Provincial de Lugo, Museo do Mar de Cervo, Pazo de Tor e Museo Fortaleza de San Paio de Narla- ofrecen un curso máis aos centros escolares da provincia un amplo programa de actividades a desenvolver ao longo do ano escolar. A deputada de Cultura Iria Castro e a xerente da Rede Museística Provincial de Lugo Encarna Lago, acompañadas Silvia Fiallega Lorenzo, Ángeles Miguélez Martínez e María Ramil, persoal do departamento de didáctica, presentaron o compedio de actividades e recursos que se ofrecen para as distintas etapas educativas, desde Educación Infantil ata Bacharelato.
A deputada de Cultura Iria Castro sinalou que “as actividades educativas son unha porta máis de entrada aos museos e ao coñecemento do patrimonio e da arte”.
Encarna Lago explicou que “o obxectivo é atender ás necesidades do alumnado de todos os niveis, desde Educación Infantil ata Bacharelato, cunha oferta flexible e adaptada. Cremos que os museos son espazos de afecto onde aprender debe ser unha tarefab divertida. Por iso, cada unha das nosas iniciativas está deseñada para que o alumnado sexa protagonista da súa propia experiencia”.
Así, a participación nas actividades pode desenvolverse con visitas presenciais guiadas, pero tamén a través de visitas virtuais ou actividades en liña ou de caixas de aprendizaxe que se envian aos centros escolares con materiais didácticos.
Para concertar visitas (presenciais ou virtuais), solicitar as caixas de Aprendizaxe ou realizar calquera consulta, a comunicación debe realizarse a través das seguintes vías:
Correo: concertacionsrmp@gmail.com
Teléfono (para consultas): 680 744 701
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
