Foz, 9 de setembro de 2025. A concelleira de Turismo e Comercio, Kathy Navarro, achega os datos de turismo do concello de Foz, recalcando un notable incremento dos visitantes polas instalacións municipais. A oficina de turismo situada no edificio Cenima e a basílica de San Martiño de Mondoñedo, de Foz, tiveron 23.266 visitantes, fronte aos 18.058 no 2024, o que supón un aumento do 22,4 por cento.
Kathy Navarro explica que “o turismo nacional liderou no mes de xuño un 97%, resaltando o de Galicia cun 46,6%; Madrid, 23%; Castela e León, 13,4%; e Asturias, 11,2%, sendo estranxeiros un 3%. En xullo o turismo nacional representou o 93,7% e 6,3% estranxeiro, sendo de Madrid un 33,6%; Castela e León, 13,3%; País Vasco, 10,5%; e Galicia, 9%. No mes de agosto reduciuse o turismo nacional a un 91%. De procedencia de Madrid, un 37,3%; País Vasco, 12,77%; Castela e León, 8,9%; e Cataluña, un 6,96%; sendo o 9% turismo estranxeiro con procedencia de Francia, Reino Unido, Alemania, Italia e Portugal principalmente”.
A concelleira de Turismo destaca que “con respecto ao 2024 na oficina de turismo bateuse un incrible récord, concretamente no mes de xuño, representando o aumento un 190%, pasando de 473 atencións no 2024 a 2.486 neste 2025. No mes de xullo o aumento foi dun 9,5% e en agosto baixou un 10,5%. O cómputo xeral coa Basílica sería do aumento dun 22,4% con respecto ao ano pasado. En canto aos hoteis viron un mantemento cun lixeiro incremento no índice de ocupación comparando co ano anterior. Nos cámpings resalta un incremento do turista estranxeiro no mes de xuño e están a centrarse en seguir captando estes visitantes de orixe italiano, alemán, sueco e austríacos principalmente, cun notable incremento na duración das estancias no turismo nacional e italiano que creen que pode ser debido ao clima”.
Kathy Navarro engade: “para nós estes índices son bos, pero tamén un reto, tanto na actualización e mantemento das infraestruturas para o soporte deste notable aumento poboacional como para o mantemento da vida cotiá á que estamos acostumados os residentes pese ao gran número de visitantes que cada ano vai en aumento no noso concello”.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
