O PP de Foz di que foi un éxito a visita do presidente do seu partido en apoio do seu candidato para as municipais

Nota de prensa

O PARTIDO POPULAR DE FOZ CALIFICA DE ÉXITO A VISITA DE NUÑEZ FEIJOO PARA APOIAR O SEU CANDIDATO JAVIER CASTIÑEIRA

Foz, 30/11/10.- O Partido Popular de Foz calificou de éxito absoluto a cea mitin celebrada o pasado sábado na que tivo lugar a presentación pública do candidato desta formación á Alcaldía nas videiras eleccións municipais do 2011, Javier Jorge Castiñeira, e á que asistiron, entre outros, o presidente dos populares galegos Alberto Núñez Feijoo, o presidente provincial Xosé Manuel Barreiro, o Secretario provincial Xosé Manuel Balseiro e a Delegada territorial da Xunta en Lugo Raquel Arias.

Os populares de Foz amosaron a súa satisfacción porque no encontro participaran preto de 600 persoas, entre afiliados, simpatizantes e amigos, ademais de alcaldes, voceiros municipais e candidatos dos concellos veciños, desbordando incluso as previsións iniciais. Un respaldo que pon de manifesto a gran expectativa xerada polo seu candidato, que estivo arroupado ademais polos máximos responsables do PP no ámbito rexional e provincial, así como local, co presidente da xestora Ramón Fernández á cabeza.

O PP de Foz felicitouse tamén porque nesta cea mitin falouse do futuro próximo de Foz, do seu potencial turístico e de novos proxectos. Salientaron a este respecto a importante actuación que quere impulsar Castiñeira na explanada da dársena do porto. Afectará, en concreto, a máis de 15.000 m2, e contempla suprimir os edificios da antiga fabrica de xeo, que actualmente están en desuso, e a lonxa, iconos do feísmo arquitectónico, e sustituilos por outros máis adaptados, integradores e transparentes, que albergarán a nave de redes,novas chabolas e  taller, entre outros servizos para a actividade pesqueira. A iniciativa inclúe tamén a recuperación das antigas chabolas e a súa reconversión en locais municipais, que despois poderán ser usadas por  asociacións e colectivos da máis diversa índole.

Crear o novo xardín da segunda rambla na explanada situada fronte as antigas chabolas, pavimentar e modernizar a explanada onde se instala o mercado, e facer por todo o muro do muelle un paseo náutico dende a punta do muelle aos asteleiros,  aproveitando a ubicación do novo porto deportivo con mais de 300 amarres, unha vez se estude e realice unha actuación de contención submariña, que non supoña ningunha agresión medioambental, para formar unha exclusa natural, unha balsa con mais de 10.000 metros cadrados de auga con calado de 2,5 metros, unha vez se drague a zona, son outras das iniciativas propostas polo candidato popular.

Castiñeira pretendente ademais ubicar un novo centro de ocio fronte a piscina, onde se podan instalar cines ou outros locais de ocio para os xóvenes focenses, que actualmente carecen de instalacións deste tipo.

Estas actuacións estarían intimamente ligadas ao plan de excelencia turística que pretende implantar Javier Castiñeira, encamiñado a ordear e unificar os criterios de actuación de cara a mellorar o aspecto do pobo e a súa oferta turística. Unha proposta que aposta pola promoción dun turismo de calidade, ordenado e limpo, que satisfaga as necesidades do pobo e, ó tempo, sexa atractivo para que os inversores da zona ou foráneos aposten por Foz e creen novos postos de traballo.

Castiñeira non quixo desvelar máis detalles do seu programa posto que, segundo indicou, queda moito tempo para ir desgranandoo, aínda que adiantou que facer o xeriátrico e un centro de día durante a próxima lexislatura é unha das súas prioridades. Proba delo é, segundo dixo, que o mes pasado solicitou ao Parlamento de  Galicia, por mediación do deputado Xosé Manuel Balseiro, que se inicien os trámites pertinentes para conquerir este obxectivo, principiando pola realización dun estudo de viabilidade.

Tamén falou da necesidade de dotar ao campo de fútbol municipal de céspede  artificial para que reúna as condicións axeitadas para a práctica deportiva.

Para os populares de Foz outro aspecto a salientar é a xuntanza que eles mesmos promoveron entre a comisión pola defensa das urxencia 24 horas e o presidente da Xunta. Na reunión, celebrada antes da cea mitin, participaron, ademais do propio Núñez Feijoo, catro representantes da comisión, o presidente dos populares lucenses José Manuel Barreiro e o propio Javier Castiñeira. Para os populares focenses este tipo de xestións deixan patenten a súa disposición a participar e contribuir co seu traballo e xestión a defender os intereses de todos os focenses.