A alcaldesa, Marta Rouco, participou hoxe na presentación do programa que inclúe tres charlas impartidas pola asociación de produtores A Estruga nas que se relacionan lingua, territorio e produción sostible
Vilalba, 25 de setembro de 2025. O Concello de Vilalba acolleu hoxe a presentación do programa “Naturalmente en galego”, unha iniciativa posta en marcha de forma conxunta polos concellos de Vilalba, Xermade e Muras para fomentar o uso da lingua galega na etiquetaxe de produtos alimenticios.
A presentación contou coa presenza da alcaldesa de Vilalba, Marta Rouco, o alcalde de Xermade, Roberto García, o alcalde de Muras, Manuel Requeijo, e Amanda López, produtora e secretaria da asociación A Estruga, entidade encargada de impartir as charlas.
O programa desenvolverase a través dunha subvención de 1.500 euros da Consellería de Cultura, Lingua e Xuventude destinada a programas de dinamización lingüística. Segundo destacou a alcaldesa de Vilalba, trátase dunha acción “sinxela e próxima, pero con gran valor, porque pon en relación o noso idioma co territorio, cos produtos locais e coa forma que temos de vivir e producir no rural”.
A primeira das charlas será en Vilalba, este venres 26 de setembro ás 11:00 horas na Praza de Abastos, centrada na horta. Posteriormente haberá outras dúas: o 1 de outubro en Muras, ás 18:00 horas na Casa do Médico, centrada na apicultura, e o 2 de outubro en Xermade, ás 18:00 horas na Nave Municipal do Polígono, dedicada á horta, ovellas, ovos e apicultura.
As sesións terán un formato expositivo e práctico: proxectarase un vídeo, cada produtor explicará a súa experiencia respectuosa co medio e co idioma, e finalmente falarase da etiquetaxe en galego. Como explicou Amanda López, da asociación A Estruga, non se trata de abordar a normativa, senón de amosar con exemplos reais que producir en galego é posible, viable e positivo.
Os rexedores de Xermade e Muras destacaron a importancia da colaboración institucional para dar forza a proxectos conxuntos que chegan directamente á cidadanía, co que coincidiu a alcaldesa de Vilalba, Marta Rouco.
Con este programa, os tres concellos queren visibilizar o valor da lingua galega como parte inseparable do territorio e da produción sostible, e convidan a toda a veciñanza a participar nestas charlas abertas e gratuítas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
