A Organización de Produtores Pesqueiros do Porto de Burela organizou este xoves en Valladolid un evento no que a protagonista foi a “Merluza D& Burela” en pratos de diferentes cociñas do mundo
Burela, 25 de outubro, 2025. ‘Sibaritas Klub’ de Valladolid acolleu este xoves a terceira edición do evento gastronómico “Merluza D& Burela polo Mundo”: un showcooking guiado por dous recoñecidos cociñeiros locais con diferentes elaboracións para saborear a ‘Merluza D& Burela’ nas súas versións máis tradicionais e vangardistas, presentando tamén receitas inspiradas noutras cociñas do mundo, como a asiática ou a mexicana.
O evento, dirixido especialmente a creadores de contido e xornalistas gastronómicos, celebrouse en Sibaritas Club, un espazo multifuncional a un paso do río Pisuerga, e estivo guiado por Gloria Hernández, dietista e nutricionista comprometida coa saúde e a educación coa alimentación.
Abriu a xornada Sergio López, xerente da OPP-7 do Porto de Burela, que deu a benvida a todos os participantes e ademais fixo unha presentación das principais campañas de promoción realizadas nos últimos anos coa marca ‘Merluza D& Burela’. Puxo en valor a importancia de Burela dentro do sector pesqueiro nacional e internacional, explicando os diferentes tipos de frotas socias da OP e destacou a ecoetiqueta ‘Pescaenverde’ que converte á frota de altura de Burela que pesca a pescada do pincho na primeira certificada polo seu baixo impacto ambiental.
Aos fogóns, dous prestixiosos cociñeiros casteláns que puxeron en valor a enorme versatilidade deste produto fresco da lonxa de Burela. Javier Peña (Sibaritas Klub), recoñecido chef de mandil e mundo, tamén coñecido pola súa participación en diferentes programas de televisión, presentou as súas receitas de cociña asiática e tradicional: «Merluza D& Burela con escuma de tom yum e ensalada de mango verde» e «Canal de Castilla: Merluza D& Burela con callos de lechazo e pilpil».
Pola súa banda, Palmira Soler (restaurante 5 Gustos), cociñeira que aposta pola fusión dos sabores mediterráneos cos produtos casteláns, presentou as súas receitas de cociña mexicana e vangardista: «Taco Nayarit de Merluza D& Burela zarandeada con pico de gallo e frijoles» e «Merluza D& Burela crocante en veo de curry e matices cítricos».
O público, no que se atopaban numerosos xornalistas e creadores de contido relacionados co eido gastronómico, puido degustar cada unha destas elaboracións vivindo unha experiencia gastronómica “mundial” e viaxando co seu padal por diferentes cociñas do mundo tendo como orixe común a lonxa de Burela.
Esta acción está cofinanciada por Xunta de Galicia e FEMPA, incluída no plan de produción e comercialización anual da OPP-7 Porto de Burela co obxectivo de contribuír á trazabilidade dos produtos da pesca e ao acceso dos consumidores a información clara e completa.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
