Durante este primeiro encontro entre ambos mandatarios, José Tomé Roca desexoulle moita sorte nesta nova etapa e reafirmou a súa vontade de “sumar esforzos para desenvolver proxectos que beneficien aos veciños e veciñas e impulsen o desenvolvemento social e económico da provincia”
Lugo, 30 de setembro de 2025. O Presidente da Deputación de Lugo, José Tomé Roca, recibiu este martes no Pazo de San Marcos á nova Subdelegada do Goberno en Lugo, Olimpia López Rodríguez, que desempeña este cargo no organismo gobernamental desde a semana pasada.
Neste primeiro encontro entra ambos mandatarios, Tomé Roca fíxolle entrega dun exemplar da publicación que recolle a historia do Pazo de San Marcos: Proxectos para o Hospital de Isabel II o Instituto de 2º ensinanza e a Deputación Provincial de Lugo. A continuación, José Tomé e Olimpia López mantiveron unha reunión privada e posteriormente, a Subdelegada firmou no Libro de Ouro da institución provincial.
O mandatario provincial deulle a benvida á Deputación de Lugo e desexoulle moita sorte nesta nova etapa que acaba de iniciar. Avanzou tamén que “estou seguro que a relación e a colaboración entre ambas administracións seguirá a ser moi boa” ao tempo que reafirmou a súa vontade de “sumar esforzos para desenvolver proxectos que beneficien aos veciños e veciñas e impulsen o desenvolvemento social e económico da provincia”.
A Subdelegada tomará posesión oficial do seu nomeamento nun acto institucional que se celebrará mañá mércores na Subdelegación do Goberno en Lugo.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
