José María Fernández lamenta que o alcalde de Trabada “poña por diante os intereses do PSOE antes que os dos trabadenses” xa que “un bo alcalde chamaría a todas as portas para conseguir o maior financiamento posible para levar abastecemento de auga potable e saneamento” a todas as parroquias
Trabada, 4 de outubro de 2025. Dende o Grupo Municipal do PP de Trabada critican “a falta de vontade” do alcalde, Rubén García, para “chamar a todas as portas que sexa preciso” para poder levar o abastecemento de auga potable e o saneamento a todas as parroquias.
O voceiro popular de Trabada, José María Fernández, explica que no último pleno municipal defendemos unha iniciativa para pedir ao Concello que pedise colaboración tamén á Deputación na implantación do ciclo da auga naquelas parroquias nas que carecen destes servizos básicos xa que “segundo un convenio asinado entre o Concello de Trabada, o Concello de Ribadeo e a Xunta de Galicia no nos municipio se implantarán en tres parroquias sen coste algún para o noso concello, polo que pedimos ao goberno local maior ambición e solicitar a colaboración económica tamén da Deputación de Lugo”.
José María Fernández lamenta que “o alcalde poña por diante dos intereses dos veciños de Trabada os intereses do PSOE” xa que “vemos como unha vez máis négase a pedir que o goberno da Deputación de Lugo colabore economicamente con todos os veciños”.
Para o voceiro popular, o alcalde “debería de reflexionar” porque “a Deputación de Lugo tamén pode colaborar na dotación destes servizos básicos” que “pese a ser certo que se trata dunha competencia exclusiva de ámbito municipal, non é menos certo que é competencia da Deputación a colaboración cos concellos”.
Neste senso, José María Fernández agarda que “como fixo xa en moitas ocasións Rubén García e, tras votar en contra de iniciativas do PP e presentalas semanas despois como propias, nesta ocasión faga o mesmo porque se trataría dunha mellora substancial para os trabadenses que é para o que traballamos todos os concelleiros do Partido Popular de Trabada”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
