A Xunta de Goberno licitou dous contratos para o Parque Móbil: un que servirá para adquirir dúas palas cargadoras; e outro para contratar o servizo de mecanizado que permitirá reparar as máquinas que se empregan a diario
Lugo, 10 de outubro de 2025. A Deputación de Lugo aprobou este venres destinar -a través de tres contratos de licitación- un investimento conxunto de case 200.000€ para mellorar a mobilidade e reforzar a eficiencia da Granxa Gayoso Castro. Así o avanzou a Voceira socialista do Goberno Provincial, Pilar García Porto, tras a reunión semanal da Xunta do Goberno, quen detallou que “dous destes contratos están relacionados co mantemento da maquinaria do Parque Móbil e un terceiro co sector primario dirixido á Granxa Gayoso Castro”.
No que ten que ver co Parque Móbil detallou que “demos luz verde a dous novos contratos, por un importe conxunto de 154.100€, cos que continuaremos mellorando o mantemento das estradas que articulan os 67 concellos da provincia”. Por unha banda, a Xunta de Goberno aprobou a licitación para adquirir dúas palas cargadoras cun orzamento de 133.100€ e o prazo de entrega de 30 días naturais.
“Coa adquisición destas dúas máquinas completamos os equipos dos que dispón o Parque Móbil da Deputación, o que nos permitirá seguir prestando un servizo rápido e eficaz aos municipios da provincia. Estes medios permitirannos realizar tarefas de limpeza e mantemento nas estradas: como a retirada de terras, o desbroce de marxes ou a carga e o transporte de materiais”, subliñou García Porto.
Por outra banda, na reunión desta mañá aprobouse tamén a licitación doutro contrato que ten que ver co servizo de mecanizados. Definiu, a Voceira socialista, esta prestación como “fundamental” para o correcto funcionamento do Parque Móbil, xa que permite realizar traballos de reparación nas máquinas, vehículos e equipos que se empregan a diario.
“Grazas a esta prestación é posible substituír aqueles compoñentes danados ou desgastados sen ter que recorrer á compra de pezas novas, o que supón tamén un aforro económico. Ademais, esa actuación garante unha maior autonomía e eficiencia operativa, co que continuaremos ofrecendo aos veciños e veciñas da provincia servizos de máxima calidade no que ten que ver co mantemento e a reparación de vías”.
O orzamento de licitación deste contrato é de 21.000€ e terá unha duración dun ano, que poderá prorrogarse ata un máximo de catro anos.
Mantemento da maquinaria da Granxa Gayoso Castro
García Porto sinalou tamén que a Xunta de Goberno licitouse o contrato de mantemento da maquinaria da Granxa Gayoso Castro que a Deputación ten no concello de Castro de Rei. O orzamento de licitación é de 18.000€ e o contrato terá unha duración dun ano que poderá prorrogarse ata un máximo de catro.
“Un servizo esencial para garantir o bo funcionamento dos equipos e a maquinaria agrícola da Granxa, medios que se empregan a diario tanto nas tarefas de produción, como nas actividades formativas que se desenvolven neste centro. O mantemento axeitado destes recursos é fundamental para traballar con seguridade e eficacia”, recalcou.
Así mesmo, fixo fincapé en que a Granxa Gayoso Castro “é un espazo de referencia para o sector gandeiro da provincia e unha das accións prioritarias do noso Goberno. Unha dotación que combina a innovación, apoio ao sector primario e formación en colaboración coa universidade. E facémolo con iniciativas como: a recría de xovencas ou a granxa experimental de leite”.
Rematou a súa intervención incidindo en que este contrato permitirá manter a pleno rendemento unha infraestrutura “clave para a provincia, para continuar desenvolvendo proxectos que fortalezan o rural e xeren novas oportunidades para o sector agrogandeiro lucense”.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
