A alcaldesa, Marta Rouco, visitou hoxe as instalacións para comprobar o resultado final das actuacións, que permitirán poñer en marcha o servizo nas vindeiras semanas
Vilalba, 17 de outubro de 2025. O Concello de Vilalba vén de dar por finalizadas as obras do novo Punto de Atención á Infancia (PAI), un servizo clave para favorecer a conciliación das familias e ofrecer atención educativa de calidade aos máis pequenos e pequenas do municipio.
A alcaldesa, Marta Rouco, visitou hoxe as instalacións para comprobar o resultado final dos traballos e coñecer de primeira man o estado das novas dependencias.
Unha vez finalizadas as obras, o Concello xa tramitou ante a Xunta de Galicia a solicitude de apertura do centro educativo, paso necesario para a súa posta en funcionamento. O novo PAI contará con 20 prazas destinadas a nenos e nenas de 0 a 3 anos.
A vindeira semana, o Concello prevé abrir o prazo de inscrición, para que as familias interesadas poidan solicitar praza neste novo servizo municipal, que se converterá nun recurso fundamental para a conciliación laboral e familiar das vilalbesas e vilalbeses.
A alcaldesa, Marta Rouco, destacou que “este novo Punto de Atención á Infancia é unha mostra da aposta do goberno local pola conciliación e polos servizos públicos de calidade, fundamentais para que as familias poidan desenvolver o seu proxecto de vida en Vilalba”.
Desde o equipo de goberno subliñan tamén que este proxecto forma parte do compromiso da Alcaldía por gobernar para todos e todas, impulsando iniciativas que melloran o día a día dos veciños e veciñas e contribúen a facer de Vilalba unha vila moderna, con máis oportunidades e mellores servizos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
