Os deputados lucenses do PP cren que “reafirman o compromiso do Goberno galego co reequilibrio territorial, apostan polo benestar social, o apoio ás familias e o desenvolvemento e progreso da nosa provincia”
Lugo, 21 de outubro de 2025. Os deputados autonómicos do PP lucense subliñan “o compromiso” do Goberno galego co reequilibrio territorial co interior de Galicia que supón que “a nosa provincia volva converterse na primeira en gasto por habitante”: 5.754€.
Os populares destacan tamén “que o Executivo autonómico presente as contas en tempo e forma” de cara á súa tramitación parlamentaria e entrada en vigor antes do 1 de xaneiro do vindeiro ano. “Non como o Goberno do Estado liderado por Sánchez que leva cos Presupostos Xerais prorrogados dende o 2022”. Así, inciden en que “mentres o Goberno galego actúa dende a responsabilidade e a previsión ofrecendo estabilidade da man dunhas contas actualizadas e centradas en Galicia e nos galegos; o Goberno de Sánchez non é capaz de presentar unha proposta demostrando a dependencia dos seus socios independentistas e que está máis centrado noutras cousas que en gobernar”.
Os deputados do Grupo Popular subliñan que “o Goberno de Rueda lle pon cifras á súa aposta polo benestar social, o apoio ás familias, o desenvolvemento e o progreso do noso territorio” toda vez que “prioriza o gasto social (dirixe 3 de cada 4 euros a sanidade, educación, política social e emprego), impulsa vivenda pública, recolle beneficios fiscais para os colectivos máis vulnerables (incluíndo a familias monoparentais, aos enfermos de ELA ou aos afectados por incendios), aumenta o apoio aos Concellos, avanza na mellora das infraestruturas, prepara o Xacobeo 2027 e aposta polo I+D+i”.
As contas elaboradas polo Goberno galego para o 2026 -que non precisan recorrer ao endebedamento- recollen no capítulo de gastos un investimento de 1.867M€ en actuacións directas na provincia de Lugo “que dan soporte económico aos compromisos adquiridos polo Goberno galego na provincia”. E puntualizan que “hai que engadir outras achegas directas” para sufragar servizos públicos que presta a Xunta (incluíndo as melloras das retribucións acordadas e as condicións laborais do persoal dos ámbitos sanitario e educativo, da xustiza ou da loita contra incendios), fondos para convocatorias de axudas a empresas e particulares, etc.
ALGUNHAS CIFRAS
Máis de 700M€ para a área sanitaria incrementándose nun 4% e contemplando melloras en varios centros de saúde da provincia (8,2M€), a modernización dos hospitais comarcais (5M€) e tamén en equipamento hospitalario, informático, de alta tecnoloxía e distintos programas sanitarios; ademais do incremento retributivo ao persoal.
Máis de 76M€ para o ámbito dos coidados e atención ás persoas (dependencia, gratuidade das escolas infantís, mellora das infraestruturas, alzhéimer, atención a maiores, atención temperá ou conciliación)
Máis de 50M€ en materia de infraestruturas e mobilidade: preto de 10M€ para conservación e vialidade nas estradas autonómicas; máis de 12,5M€ para reforzo do firme, mellora da seguridade viaria, redacción de proxectos, execución de sendas…; preto de 8M€ da intermodal de Lugo, 5M€ para o desdobramento corredor Nadela – Sarria que suporá un investimento total de máis de 35M€, 9M€ para a mellora de estradas autonómicas, máis de 2,3M€ para tarxetas de transporte Xente Nova e +65, axudas a transportistas e taxistas, melloras en estacións de autobuses…
Preto de 38M€ en materia de emprego (formación, apoio ao emprendemento, axudas autónomos, mellora dos centros de formación, polos de emprego e bonos comercio)
Máis de 35M€ en materia de vivenda (vivenda pública, solo para vivenda protexida e aloxamento compartido para menores de 36 anos en Lugo e programa Rexurbe)
Máis de 23M€ para desenvolvemento industrial (Polo Industrial de Rozas, ampliación dos polígonos des Gándaras e Palas de Rei…)
Máis de 11,5M€ en actuacións plurianuais (que suman 47,5M€) para a mellora do abastecemento de auga e saneamento a pesar de tratarse dunha competencia dos Concellos: Edar Foz e Burela, abastecemento Ribadeo-Trabada e actuacións en Baralla, Rábade, Cervo-Burela, Pantón, Chantada, Friol, A Pastoriza, Viveiro, Triacastela…
Preto de 14M€ en investimento directo na provincia no eido da educación: 5,7M€ para rehabilitación, ampliación e mellora de centros de ensino (CEIP Manuel Mallo, IES Muralla de Lugo, remate das obras do IES Lucus Augusti, IES María Sarmiento de Viveiro, Frei Luis de Granada…), 4M€ para renovar a acreditación de excelencia do Campus de Lugo da USC e outros 4M€ en ciencia.
Máis de 13M€ no ámbito rural: 4,5M€ para o Plan Camiña Rural; 4,4M€ para reestruturacións parcelarias triplicando a súa partida na provincia; 1,5M€ de apoio aos viñedos da Ribeira Sacra; 1M€ para o Laboratorio de Saúde Pública e preto doutro 1M€ para o matadoiro móbil; aos que hai que sumar as axudas da PAC e á incorporación de mozos que soben ata os 131M€ en toda Galicia ou os 15,5M€ para a xestión de biomasa duplicando o apoio aos Concellos a través do convenio coa FEGAMP
Máis de 4,5M€ en materia de emerxencias incluíndo o financiamento do 50% do Consorcio Provincial de Bombeiros.
Máis de 3,8M€ para deporte (reforma estadio Anxo Carro, patrocinios…)
Máis de 3M€ de investimentos da man de Portos de Galicia dun total plurianual de 21M€ (actuacións nos portos de Foz, Burela, Ribadeo, Viveiro e proxecto para o de Morás, en Xove)
Máis de 2,5M€ para as infraestruturas xudiciais (eficiencia enerxética, modernización, reparación cuberta edificio xudicial Lugo).
Os populares explican que “o Goberno galego tamén ten en conta a necesidade de conservar o patrimonio natural e cultural, financiar a programación cultural, promover o turismo, apoiar o Camiño de Santiago pensando no horizonte Xacobeo 2027, mellorar infraestruturas turísticas ou programar actividades e mellorar instalacións xuvenís”.
As contas tamén permitirán seguir apoiando aos retornados, ao cooperativismo, ás asociacións e aos Concellos. Neste sentido, a Xunta reserva un 16% máis de orzamento para colaborar cos Concellos da provincia.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
