Marta Villaverde destacou que esta actuación reafirma o compromiso do Goberno galego coa seguridade alimentaria, a rastrexabilidade dos produtos pesqueiros e a eficiencia na xestión comercial dos centros de venda e lonxas
Santiago de Compostela, 23 de outubro do 2025. O sector pesqueiro galego continúa dando pasos na súa modernización e aplicación das novas tecnoloxías na súa actividade co obxectivo de gañar eficiencia e maior accesibilidade na adquisición dos seus produtos por parte dos clientes. Neste marco, a conselleira do Mar, Marta Villaverde, acompañada polo director xeral de Pesca, Acuicultura e Innovación Tecnolóxica, Cándido Rial, presentou na Cidade da Cultura o novo portal web de comercialización de Lonxas Galegas 4.0 co que, salientou, refórzase a proxección e dixitalización das rulas galegas.
A responsable autonómica destacou que esta actuación reafirma o compromiso do Goberno galego coa seguridade alimentaria, a rastrexabilidade dos produtos pesqueiros e a eficiencia na xestión comercial dos centros de venda e lonxas. Esta nova iniciativa supón a creación dun portal web que servirá como ferramenta para mellorar a visualización da oferta dos produtos pesqueiros das rulas galegas así como para optimizar os procesos de compra mediante a participación remota dos compradores. Así, este programa permite seguir cada lote desde o mar ata o prato con sistemas conectados entre lonxas, confrarías, distribuidores e mercados, facilita canles de venda seguros e fiables
Marta Villaverde puxo en valor que esta actuación é o resultado do traballo realizado desde o 2018, en colaboración coa Axencia para a Modernización Tecnolóxica de Galicia (Amtega), para a creación dunha plataforma tecnolóxica única que integra os sistemas de xestión (Xeslon) e os de poxa e comercialización (Siscom). A titular de Mar indicou que, neste tempo, desenvolvéronse dúas fases nas que se foron incorporando lonxas en centros de venda, confrarías e asociacións sectoriais polo que a previsión é que, ao remate deste ano, sexan 56 rulas e 70 pósitos os integrados nesta iniciativa.
As cifras
A conselleira do Mar explicou que o investimento realizado pola Xunta neste sistema alcanzará a finais deste ano os 10 millóns de euros, permitindo ata o momento o procesado de máis de 7 millóns de notas de venda, cun valor de facturación de máis de 400 millóns de euros, comercializando 205 especies diferentes capturadas por máis de 7.000 unidades de pesca. A responsable autonómica insistiu que este portal supón un paso mais cara a un sistema máis transparente, conectado, sustentabilidade e competitivo. Unha liña de traballo que enmarcou na Estratexia Galicia Dixital 2030 que afonda na aposta polo comercio de proximidade e a redución da pegada de carbono, adaptando o sector marítimo pesqueiro ás esixencias do presente e do futuro.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
