Foz, 24 de outubro de 2025. O Concello de Foz renovará o céspede artificial e o rego automático do Campo de Fútbol Municipal de Malates por un importe de 315.071,39 euros. A maior porcentaxe do investimento corresponde ao subministro e colocación dunha nova superficie de xogo de céspede artificial -260.332 euros- e a un novo sistema de rego con aspersores emerxentes -21.382 euros-.
A inversión será financiada pola Deputación de Lugo -250.000 euros- e polo Concello de Foz -65.071,39 euros- en base a un convenio que foi aprobado na Xunta de Goberno Local da Deputación deste venres, 24 de outubro.
O alcalde de Foz, Fran Cajoto, agradece á Deputación de Lugo e ao seu presidente, José Tomé, o apoio da institución ao Concello: “quero darlle as grazas ao presidente da Deputación por esta mellora do campo de fútbol, que non sería posible sen o apoio da Deputación de Lugo. Unha inversión que vai a posibilitar ter unha superficie de xogo da máis alta calidade, xa que a actual presenta un deterioro moi importante. O campo de Malates é moi utilizado polas asociacións deportivas de Foz, especialmente pola AD Santiago de Foz, CD Foz e Club Atletismo Ría de Foz. Creo que vai a ser unha mellora moi importante para todas elas”.
Fran Cajoto engade: “o 5 de marzo reunímonos co Partido Popular de Foz e solicitáronnos esta inversión para poder facilitar a licitación do ciclo integral da auga. Nós accedemos ao solicitado -petición moi razoable- e cumprimos o acordado, como se demostrou no día de hoxe. A aportación municipal -65.000 euros- será sufragada contra un suplemento de crédito que están preparando os servizos municipais”.
Por outra parte, onte, xoves, celebrouse a última mesa de contratación do ciclo integral da auga, na que acordou propoñer ao pleno como adxudicataria do servizo á empresa Sociedad de Fomento Agrícola Castellonense, S.A. (FACSA), que obtivo a mellor puntuación. FACSA na actualidade xestiona o sistema de abastecemento da Zona Costeira Occidental de Asturias, que inclúe a Navia, Coaña, Villayón, El Franco, Tapia, Castropol e Vegadeo, a EDAR de Cudillero ou os colectores de Ferrol. “Onte mantiven unha reunión técnica co técnico redactor dos pregos e os concelleiros de todos os grupos políticos para informalos da proposta de adxudicación e da próxima celebración dun pleno extraordinario para a adxudicación definitiva do contrato, co obxectivo de que inversións tan necesarias e importantes como a mellora das plantas potabilizadoras de Fazouro e Cordido, a renovación da tubaxe de fibrocemento en Forxán e a de distintas conducións en todo o Concello se poidan facer á maior brevidade posible”, remata o alcalde.
Pola súa banda, o voceiro do PP, Javier Jorge Castiñeira, pronunciouse sobre as melloras no campo de fútbol municipal de Malates: “dende o Partido Popular estamos moi satisfeitos por esta boa nova, porque isto significa que unha proposta nosa, que era poder renovar o céspede artificial do campo de fútbol de Malates, poderase levar adiante mediante un convenio coa Deputación de Lugo, que vai financiar gran parte desta inversión, e outra parte o propio Concello. Foi unha proposta que nós levamos a pleno no seu día, en novembro do ano 2024, precisamente a petición da Escola de Fútbol Santiago de Foz, do Club Deportivo de Foz, dos veteranos e tamén do Club de Atletismo Ría de Foz, que son os usuarios que nos estaban dicindo que as condicións do céspede eran moi malas, perigosas, tiñan furados e zonas descosidas que podían causar lesións. A primeira oportunidade que tivemos de negociación así llo puxemos encima da mesa ao señor alcalde, neste caso foi por desbloquear o ciclo da auga; a primeira opción era rebaixar as tarifas, pero o alcalde non a accedeu e para ter a abstención do Partido Popular que permitía ese desbloqueo pedimos unha obra, que é esta que se vai a facer agora. E polo tanto estamos contentos; e con isto tamén se demostra que estamos a levar unha oposición en positivo. Cando nos deixaron facer algunha proposta na negociación conseguimos unha boa inversión para mellorar o deporte focense”.
Castiñeira engadiu que “en contraste está a xestión do BNG, que no seu momento foi socio do goberno durante seis anos e apenas conseguiron inversións en temas deportivos, que era precisamente unha das súas áreas”.
“O Partido Popular está satisfeito e esperamos que canto antes se saque a licitación, para que estas novas inversións estean para polo menos iniciar a próxima temporada con ese novo céspede de última xeración e o poidan disfrutar todos os deportistas de todos eses clubs, que están facendo un traballo estupendo, especialmente as súas directivas”, rematou o voceiro do PP.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
