Os deputados do Grupo Provincial Popular defenderon no pleno de hoxe unha moción para incorporar ao proxecto de orzamentos da Deputación para 2026 coas propostas realizadas polos representantes dos 67 concellos da provincia, ante a que PSOE e BNG votaron en contra
Lugo, 28 de outubro de 2025. Os deputados do Grupo Provincial Popular denuncian que José Tomé, PSOE e BNG “seguen instalados no maior dos sectarismos” ao negarse hoxe “a escoitar” as demandas dos 67 concellos da provincia “ao votar en contra” das propostas realizadas polos representantes de todos os concellos da provincia.
Os deputados populares defenderon unha proposta para incorporar ao proxecto de orzamentos provincial para 2026 incorporase as principais reclamacións realizadas polos alcaldes e voceiros do PP nos 67 municipios de Lugo, “pero José Tomé segue o camiño da confrontación e do autoritarismo xa que unicamente escoitar a aqueles concellos da súa mesma cor política que son amigos ou que o presionan para darlle ou non o seu apoio para manterse unha semana máis á fronte da Deputación e do seu partido”.
O voceiro provincial popular, Antonio Ameijide, recordou durante o pleno que “por responsabilidade, fixemos o traballo que nos corresponde e que José Tomé se nega a realizar: escoitar a todos e cada un dos concellos”. “Esta situación provoca que José Tomé non coñeza a realidade de 66 dos 67 municipios da provincia porque en seis anos non pisou máis da metade dos concellos da provincia”, denunciou.
Ademais, Ameijide recordou o sectarismo do presidente da Deputación que “un ano máis negouse a sentarse coa oposición para poder realizar un proxecto de orzamentos de consenso e que as contas provinciais foran o máis igualitarias e xustas posibles con todos os concellos”.
PROPOSTAS DEFENDIDAS POLO GRUPO POPULAR
Para que os orzamentos da Deputación sexan máis xustos solicitouse subir o Plan Deputación en 10M€ “por ser o sistema de reparto de fondos máis xusto que hai agora mesmo na Deputación, polo que incrementar os fondos é aumentar a colaboración económica que se realiza con cada municipio”.
Ademais deste incremento, dende o Grupo Popular tamén se defendeu que se modifiquen as bases para a vindeira anualidade, de forma que recollan a posibilidade de que os Concellos soliciten a aplicación de parte da achega provincial ao Plan Deputación a gastos correntes, entre outros conceptos que agora non se permiten.
“PSOE e BNG seguen a repartir a dedo, de forma escura e de forma totalmente subxectiva fondos da Deputación cada venres en xunta de goberno unicamente para os seus afíns e amiguetes, marxinando por completo a máis da metade dos lucenses da provincia”.
No que vai de ano xa repartiron vía convenio 10.5M€, unicamente a concellos da súa mesma cor política, “e aínda quedan máis de dous meses, que os de final de ano son nos que máis cartos reparten”.
O mantemento da rede viaria provincial tamén é outro dos investimentos defendidos polos deputados populares xa que, pese aos dous plans de mantemento anunciados por José Tomé, “nada cambiou na rede viaria provincial” e en 66 dos 67 concellos segue a reclamarse o mantemento e conservación das estradas da Deputación.
Cómpre realizar un plan de conservación, mantemento e mellora das vías provinciais de forma que garantan a seguridade e que inclúa a renovación do firme onde sexa necesario, o ensanche das plataformas coa posibilidade de acondicionar cunetas revasables con formigón, unha correcta sinalización vertical e horizontal, a instalación dos elementos de seguridade necesarios; ademais da limpeza periódica das cunetas e un servizo efectivo de desbroce das marxes das estradas de titularidade provincial.
Garantir servizos aos maiores é outra das grandes reivindicacións nos municipios, polo que os deputados populares pediron compromisos económicos concretos para garantir a posta en funcionamento, de forma inmediata, dos centros de atención a maiores xa rematados, impulsar os que se atopan en construción, en proxecto – algúns deles dispoñendo xa de licenza municipal – ou comprometidos; do mesmo xeito poñer en marcha os centros de día xa construídos e comprometidos.
Tamén é fundamental abrir de forma inminente o centro de día e residencial comarcal de Becerreá; así como iniciar as obras de construción dos centros de atención ás persoas maiores e centros de día nos concellos de Folgoso do Courel e Portomarín.
Colaborar economicamente cos Concellos na prestación de servizos básicos coma o relativo á implantación do ciclo auga, na recollida de animais abandonados (como establece a Lei 7/2023 de protección dos dereitos e o benestar dos animais) e no impulso dos sectores primario e turístico, son outras das demandas defendidas no pleno de hoxe, como a necesidade de desenvolver un plan de impulso dos polígonos industriais de titularidade provincial que inclúa as distintas tramitacións urbanísticas e sectoriais e a construción dos comprometidos e campañas de captación de investimentos para o desenvolvemento industrial e económico do territorio.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
