O portavoz popular considera “deleznable e cínico” que Cajoto tente agora sacar peito dun proxecto que no ano 2019, como candidato socialista, criticaba abertamente
Foz, 31 de outubro de 2025. O Partido Popular de quere desmentir con rotundidade as afirmacións falsas do alcalde de Foz, quen asegurou recentemente que o proxecto da nova depuradora de augas residuais de Foz é “un proxecto colectivo dos últimos alcaldes do municipio”.
Nada máis lonxe da realidade. Segundo explica o voceiro popular, Javier Castiñeira, “este proxecto é froito do traballo do Partido Popular de Foz, que no seu momento conseguiu, mediante un acordo con Foz Plataforma de Futuro, a súa ubicación actual fronte á oposición do PSOE e do BNG”.
Castiñeira lembra que foi o PP quen logrou o financiamento íntegro da depuradora, “para que non lles custase aos focenses nin un só euro”, e cualifica as palabras do alcalde como “un intento vergonzoso de apropiarse dun proxecto no que nunca creu”.
O portavoz popular considera “deleznable e cínico” que Cajoto tente agora sacar peito dun proxecto que no ano 2019, como candidato socialista, criticaba abertamente. Aquelas declaracións son públicas e contundentes. En marzo de 2019, Cajoto afirmaba: “Estase a perder unha oportunidade única para resolver os problemas da rede de saneamento de Foz. Imos continuar cos problemas de sempre e vanse xerar outros novos, o que resulta inadmisible. O documento contempla o vertido das augas depuradas a carón da praia de Peizás; o PSOE de Foz considera que este é un punto moi sensible, xa que a praia de Peizás é unha das máis singulares do Concello e habitual bandeira azul, distinción que podería perder definitivamente ante a nova instalación e empeorarse a calidade das augas de baño. O PSOE considera que se está desaproveitando a oportunidade de que Foz conte cunha depuración de augas fecais moderna e eficaz”.
“Estas palabras deixan moi claro que o señor Cajoto rexeitaba frontalmente o anteproxecto que agora tanto eloxia. A realidade é que o proxecto actual parte dese mesmo anteproxecto que o PSOE descalificaba en 2019. Iso chámase mentir descaradamente e practicar a política máis rastreira e oportunista”, subliña Castiñeira.
Desde o Partido Popular de Foz, reivindican o traballo serio e responsable que fixo posible esta infraestrutura fundamental para o futuro do municipio e rexeitan o intento do alcalde de reescribir a historia para apuntarse un tanto político que non lle corresponde.
“O proxecto da depuradora é do PP de Foz, coa colaboración de Foz Plataforma de Futuro, e quen o negaba e obstaculizaba era precisamente Cajoto. Hoxe, como alcalde, demostra que non ten escrúpulos en mentir para colgarse medallas alleas”, conclúe o voceiro popular.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
