A conselleira María José Gómez inaugurou hoxe o Foro de Valorización da Faba de Lourenzá que se está a celebrar no Centro de Formación e Experimentación Agraria Pedro Murias de Ribadeo
Ribadeo, 7 de novembro de 2025. A conselleira do Medio Rural, María José Gómez, acompañada polo director da Axencia Galega da Calidade Alimentaria, Martín Alemparte; e polo delegado territorial da Xunta en Lugo, Javier Arias; participou no inicio do Foro de Valorización da Faba de Lourenzá que se está a celebrar hoxe e mañá no Centro de Formación e Especialización Agraria Pedro Murias de Ribadeo. Nel, reafirmou o seu apoio a esta produción que se atopa amparada por unha indicación xeográfica protexida, para favorecer o seu desenvolvemento.
A titular de Medio Rural destacou que, con iniciativas coma esta, créase unha rede formativa para a elaboración, transformación e comercialización dos produtos agroalimentarios galegos con identidade territorial, como é o caso da Faba de Lourenzá. Ademais, engadiu que ao mesmo tempo apóiase a produtores, emprendedores e profesionais do rural, ofrecéndolles formación, innovación e asesoramento. Neste sentido, puxo en valor o papel que xogan os centros de formación e investigación dependentes da Consellería, nos que se están impulsando espazos de especialización e innovación agraria para asesorar aos produtores e ampliar a súa formación.
Este foro, explicou Gómez, facilita o acceso a ideas e aprendizaxes que se poden aplicar de xeito inmediato coa mostra de casos de éxito, pero tamén con actividades que favorecen o intercambio entre distintos sectores produtos e empresariais que permitan xerar sinerxías que dean lugar a novas colaboración e proxectos comúns.
Apoios aos produtores da IXP
Ademais, a conselleira lembrou que desde o Goberno galego vénse apoiando a este sector con axudas directas. Este ano convocouse unha liña de axudas específica para os produtores da IXP Faba de Lourenzá coas que cubrir parcialmente os sobrecustos que implica producir este feixón galego con estándares de calidade superiores aos comúns, a maiores de axudar a paliar os danos provocados polas choivas intensas de primavera de 2024 que afectaron á colleita. Esta convocatoria resolveuse cun investimento de 68.000 euros.
Ademais, tamén se está a traballar en liñas de investigación e accións tanto para o fomento da IXP como para impulsar a incorporación de produtores ao distintivo.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
