“O Partido Popular sigue sen atender as demandas da comunicade educativa burelá levadas ao Parlamento por Daniel Castro hai un ano”
Burela, 8 de novembro 2025. Un ano despois de que o deputado mariñao Daniel Castro levara ao Parlamento as demandas da comunidade educativa en Burela logo de reunirse cos respectivos equipos directivos xunto con Mario Pillado, concelleiro de Educación e Sandra Fdez. Cillero, concelleira de Asuntos Sociais e Igualdade, Burela segue agardando polos investimentos necesarios para o arranxo, adecuación e melloras nos centros educativos.
Burela: 1350 alumnos/as en catro centros e mais de 40 nacionalidades
“Son moitas as necesidades existentes nos nosos colexios e institutos e a día de hoxe seguen sen se resolver por parte da Xunta e a maiores ainda aparecen novas carencias” manifestou Pillado que tamén quixo destacar que “a situación particular coa que conta Burela en canto a diversidade e necesidades educativas a Consellería de Educación non pode remitirse aos ratios e ao finanzamento de servizos convencional que fai para o resto de centros do país, porque aquí nestes catro centros que suman 1350 alumnos e alumnas conviven tamén máis de 40 nacionalidades, unha casuística para nada negativa, ao contrario moi positiva, pero que precisa que se dediquen máis recursos”.
Pillado anunciou que a través do Grupo Parlamentario do BNG o deputado Daniel Castro vai presentar catro emendas aos Orzamentos da Xunta 2026, agora mesmo en trámite no Parlamento, para que se consignen as correspondentes partidas para dar solución á problemática dos centros de Burela.
Melloras na accesibildade, obras de cuberta e peche de pistas polideportivas, eficiencia enerxética, e obras estruturais
A primeira das emendas refírese ás obras para a cuberta e peche das pistas polideportivas exteriores tanto do CEIP Vista Alegre como do IES O Perdouro xa que se trata dunha demanda das direccións dos centros e da comunidade educativa e dunha necesidade para que o alumnado teña mais espazos para a época de inverno.
A seguinte refírese á mellora da accesibilidade nos centros educativos. Os centros de ensino, tanto o CEIP Os Castros como o IES Perdouro contan con instalacións moi antigas e con varios edificios, polo que a accesibilidade para persoas con mobilidade reducida é moi frouxa, polo que se deben levar a cabo actuacións que solventes estas carencias, posto que parte do alumnado e das familias teñen moitas dificultades para acceder a tódalas instalacións.
A terceira tén que ver coa mellora na eficiencia enerxética nos centros de ensino de Burela, que son xa bastante antigos polo que precisan de melloras en eficiencia enerxética para asegurar as condicións de dignidade no interior a un coste asumible, polo que se deben realizar actuacións nesa liña, tanto no alumeado coma en portas e ventás.
E por último solicitan tamén consignación para obras de reforma estrutural do centro e do valado exterior do IES Perdouro. Recorda Pillado que no pasado curso 24/25 produciuse un accidente nas inmediacións do IES Perdouro que ocasionou grandes desperfectos no valado exterior do centro. O peche actual é provisional e polo que se ve non se espera que se vaia a acometer actuación ningunha. É preciso facer unha actuación para reparar eses danos e dende o centro piden que se poda trasladar uns metros a cancela de acceso ó mesmo para aumentar a accesibilidade dos edificios inferiores. Ademais tamén están pendentes de revisións os piares dos edificios 1 e 2, moi deteriorados
Estes investimentos tan necesarios para os colexios e institutos de Burela achéganse aos 2 millóns de euros.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
Ao acto están convidadas a directora xeral de Desenvolvemento Rural e Industrias Agrarias, Mª Begoña López Fernández; o director xeral do Medio Natural, David Villar García; así como as alcaldías dos 14 municipios que forman parte da Reserva, entre outras autoridades.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
O Concello destaca que este logro é resultado do esforzo, da dedicación e da paixón polo deporte que o arqueiro demostra en cada competición, levando o nome de Cervo e do seu club ao máis alto. A administración local subliña o orgullo que supón contar con deportistas que representan valores como o traballo, a constancia e a superación.
A iniciativa forma parte do Plan de Sostibilidade Turística en Destino Xacobeo 2021, financiado con fondos europeos Next Generation. No acto proxectouse o tráiler e un capítulo completo. Tras a estrea, os contidos difundiranse nas redes sociais e no YouTube municipal, e no verán organizarase un novo evento para ver a serie íntegra.
Non deben prematricularse quen continúe co mesmo instrumento nin quen opte a talleres, Música e Movemento, Pandeireta ou Instrumentos Tradicionais, que se inscribirán en setembro. As solicitudes presentaranse no rexistro do Concello ou na sede electrónica, sen garantir praza. O alumnado xa matriculado mantén a súa praza se formaliza a matrícula entre o 1 e o 9 de setembro. A Escola contactará na primeira semana de setembro para confirmar dispoñibilidade segundo o Regulamento interno.
