A moción do PSdeG instaba á construción dunha pasarela cuberta no CEIP Aquilino Iglesia Alvariño para protexer ao alumnado das inclemencias meteorolóxicas
Abadín, 12 de novembro de 2025. O Grupo Municipal Socialista de Abadín, a través do seu voceiro Pablo Díaz, denuncia a actitude “absolutamente ditatorial” do alcalde, Xosé María López Rancaño, no Pleno extraordinario celebrado este luns, no que impediu o debate dunha moción presentada polo PSdeG sobre a seguridade e o benestar dos nenos e nenas do CEIP Aquilino Iglesia Alvariño.
Segundo explican os socialistas, tras a lectura da moción -que propoñía instar á Xunta de Galicia á construción dunha pasarela cuberta entre a parada dos autobuses e o patio do colexio-, o alcalde respondeu limitándose a afirmar que non era competencia municipal e que o asunto xa fora remitido ao Consello Escolar, negando así o dereito da oposición a debater, rebater ou matizar a proposta.
No momento en que o voceiro socialista intentou intervir, Rancaño interrompeuno e impediulle falar, dando paso directamente á votación, “pisando a palabra” de Díaz e poñendo fin ao debate de forma autoritaria.
Pablo Díaz foi contundente: “O que vivimos en Abadín é unha ditadura. Rancaño utiliza o pleno como un espazo de censura, non de debate. Leo a moción, el contesta e non nos deixa rebater, rectificar, nin opinar. Isto non é democracia, é autoritarismo”, denunciou Díaz.
O voceiro socialista lembra que a moción “non buscaba ningún conflito político”, xa que tiña como obxectivo garantir a saúde e a seguridade do alumnado do único colexio do municipio. “Falamos dunha proposta pensada para protexer aos nenos das choivas e do frío cando baixan do autobús. Non é unha cuestión partidista, é unha cuestión de humanidade. Pero o alcalde, coa súa soberbia, nin sequera permitiunos falar”, afirmou Díaz.
Tras o Pleno, o voceiro socialista presentou unha solicitude de información ao alcalde para comprobar se é certa a resposta ofrecida, xa que asegurou que o Consello Escolar xa tramitara a petición á Consellería de Educación. “Queremos saber se realmente existe ese escrito ou se foi outra mentira para xustificar a súa censura”, explicou.
O PSdeG-PSOE de Abadín considera este episodio “unha nova mostra da deriva autoritaria dun alcalde que non soporta o control nin o debate político”. “Rancaño goberna como se isto fose o seu feudo persoal, sen respectar as normas nin a democracia. Converte os Plenos en monólogos e impón a súa vontade silenciando á oposición e á veciñanza”, denunciou.
Os socialistas advirten que non se pode normalizar este comportamento e reclaman respecto ás regras democráticas e ao dereito da oposición a exercer a súa labor de control. “En Abadín vivimos nunha ditadura a nivel local. E mentres tanto, os problemas reais, como a seguridade dos cativos ou o estado dos servizos públicos, seguen sen resolverse”, concluíu o voceiro socialista.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
