O Concello anuncia iniciativas arredor do 25 de novembro, incluíndo actos institucionais, propostas educativas e a IV Andaina contra a Violencia de Xénero
Burela, 20 de novembro de 2025. O Concello de Burela deu a coñecer a programación organizada para conmemorar o 25 de novembro, Día Internacional da Eliminación da Violencia contra as Mulleres. O programa inclúe accións de sensibilización social, actos públicos e actividades dirixidas á comunidade educativa.
No marco desta programación estará dispoñible un punto de lectura pola igualdade na Biblioteca Municipal, colocarase a pancarta conmemorativa e varios espazos do municipio tinguiranse de violeta como símbolo de apoio á loita contra a violencia de xénero.
O martes 25 de novembro, ás 12:30 horas, terá lugar na Praza do Concello a lectura do manifesto institucional, xunto cun punto informativo do CIM e un mosaico violeta co lema “Non á violencia de xénero”.
O domingo 30 de novembro, ás 11:00 horas, na Praza da Mariña arrancará a IV Andaina contra a Violencia de Xénero, cun percorrido circular de 8 quilómetros e de baixa dificultade.
Os centros educativos do municipio tamén participarán nas iniciativas previstas. O luns 24 de novembro, o alumnado do CEIP Plurilingüe Os Castros e do CEIP Plurilingüe Vista Alegre gozarán da sesión de contacontos “Contos vellos, novos finais” da man de A Trastenda dos Contos. O martes 25 de novembro, o IES Monte Castelo e o IES Perdouro participarán na entrega dos roll-ups do 25N e o mosaico violeta co lema “Non á violencia de xénero”.
A alcaldesa de Burela, Carmela López, insistiu en que “o 25N non é un día máis no calendario: é unha chamada á responsabilidade pública, política e cidadá para seguir loitando contra unha das violencias máis graves e máis silenciadas. Cada acción, por pequena que pareza, suma fronte á violencia de xénero. E en Burela queremos sumar sempre”.
Pola súa banda, a concelleira de Igualdade, Alexandra Fernández, sinalou que estas accións “buscan reforzar a implicación social fronte á violencia de xénero e facer visible o compromiso do Concello nestas datas”. Ademais, destacou a importancia da participación cidadá, explicando que “é fundamental que a veciñanza se sume ás iniciativas previstas, especialmente aos actos do día 25 e á andaina, que se consolidou como un evento de unidade e concienciación”.
As actividades están financiadas con cargo aos créditos recibidos polo Ministerio da Presidencia, Relacións coas Cortes e Igualdade, a través da Secretaría de Estado de Igualdade, no marco do Pacto de Estado contra a Violencia de Xénero, coa colaboración da Delegación do Goberno contra a Violencia de Xénero.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
