O PSdeG critica que o alcalde “nega o problema e di que ninguén se queixa” cando a situación se leva repetindo dende outubro
Abadín, 20 de novembro de 2025. O Grupo Municipal Socialista de Abadín, a través do seu voceiro Pablo Díaz, denuncia a grave situación da auga da traída en varias parroquias do municipio e a pasividade do alcalde, Xosé María López Rancaño, que continúa negando os feitos pese á preocupación crecente da veciñanza.
Segundo explica Díaz, nas últimas semanas numerosos veciños advertiron de que a auga “sae marrón” en varios puntos do concello, un problema que non é puntual nin recente: “leva repetíndose desde outubro e o alcalde segue sen ofrecer nin explicacións nin solucións”.
O voceiro sinala que recentemente se rexistraron casos de gastroenterite que poderían estar relacionados coa situación: “Non podemos asegurar que sexan consecuencia directa da auga, pero é evidente que o estado da traída é preocupante e que o goberno municipal non ofreceu nin datos nin información fiable para tranquilizar á veciñanza”, subliñou.
En canto á reacción do rexedor, Díaz insiste que Rancaño mantén “a súa actitude habitual”: “Limítase a dicir que ninguén lle deu queixas, e nin sequera é capaz de aclarar se a auga é ou non apta para o consumo. Esta falta de responsabilidade é inadmisible”.
Os socialistas lembran que garantir a calidade da auga é unha obriga básica e ineludible do Concello. “Falamos dun servizo esencial para a saúde pública. O alcalde non pode escudarse no ‘non sei nada’. O mínimo é informar, actuar e garantir a seguridade da veciñanza”, advertiu o voceiro.
O Grupo Municipal Socialista reclama ao goberno local información inmediata, análises actualizadas e total transparencia, porque “a saúde dos veciños e veciñas non pode depender da improvisación nin do silencio dun alcalde máis preocupado por negar a realidade que por protexer á cidadanía”.
“Estamos ante un problema moi serio. O alcalde debe actuar xa, ofrecer información rigorosa e garantir que a auga é segura e apta para o consumo. O que non pode facer é seguir agochando a realidade e deixar a veciñanza de Abadín á súa sorte”, concluíu Díaz.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
