Nota de prensa
A CIG-Ensino gaña de novo as eleccións sindicais na comarca da mariña
A CIG-Ensino consigue na Mariña mellores resultados que nas anteriores eleccións, con máis do 42% dos votos
Ribadeo a 10 de novembro de 2010.- A CIG-Ensino gaña de novo as eleccións sindicais do ensino na comarca da Mariña, incrementando substancialmente os seus apoios ao conseguir 297 votos de 710 profesores/as que votaron. Estes resultados representan máis do 42% dos votos emitidos, máis dun punto con respecto ás últimas eleccións. Na provincia de Lugo e no total de Galiza os resultados foron tamén na mesma liña obtendo unha clara maioría sindical.
Á vista dos resultados, a CIG quere agradecer publicamente a confianza e o apoio que o profesorado da Mariña nos vén de outorgar xa que significa un recoñecemento explícito ao traballo desenvolvido durante estes anos e unha adhesión ás reivindicacións e propostas defendidas pola CIG-Ensino, así como un aval ao único modelo sindical galego, participativo e que conta coa opinión do profesorado.
A CIG-Ensino interpreta estes resultados como un rexeitamento das medidas que a Consellaría tomou nestes dous últimos anos referentes ao ensino público e que afectou gravemente as condicións do profesorado e do alumnado da Mariña. Entre esas decisións están a de suprimir dous ciclos formativos en Foz e Viveiro, suprimir unha unidade de primaria en Burela, a reforma das EOI, a supresión da escola unitaria de Vieiro, a eliminación do comedor escolar de Ourol ou a supresión da modalidade presencial de adultos en Ribadeo, Foz ou Burela e que supuxo a eliminación de máis de 21 postos de traballo docentes neste curso. Tamén supoñen un voto contra medidas regresivas como a supresión da gratuidade dos libros de texto, a liquidación da xornada reducida en xuño e setembro ou falta de apoio aos alumnos con necesidades educativas especiais. Cómpre, pois, que a Consellaría dea un xiro importante as súas políticas educativas e deixe de lado as súas formas autoritarias e impositivas e retome inmediatamente o diálogo e as negociacións daqueles temas que avancen na mellora da calidade da ensinanza.
Para a CIG-Ensino estes resultados tamén significan un suspenso á política lingüística da Consellaría de Educación, cando ela mesma condicionaba os resultados que a CIG obtivera nestas eleccións coa valoración do profesorado galego ás súas actuacións en materia linguística. Pois ben, o SI maioritario á CIG representa un NON rotundo ao trato do galego pola Xunta do PP. Por iso, a CIG vai a reclamar da Consellaría un cambio desta política totalmente agresiva co noso idioma, comezando pola retirada do actual Decreto de Plurilinguismo e pola restitución do apoio ao galego no ensino e de forma particular ás equipas de normalización linguística dos centros.
A CIG-Ensino, despois destes resultados tan positivos, vai a seguir traballando na mesma liña que o fixo ata agora combatendo os ataques que se produzan contra o ensino público e reivindicando a mellora das condicións laborais do profesorado e da calidade do ensino na Mariña na procura dun ensino público, galego, laico e gratuíto.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
