A iniciativa faise eco do S.O.S lanzado polo sector pola falta de materia prima e o aumento de custes tras o impacto dos aranceis
Madrid, 2 de decembro de 2025. O Senado aproba unha iniciativa do Grupo Popular para demandar ao Goberno de Sánchez medidas específicas de apoio aos sectores máis afectados polos aranceis como é o caso da industria galega do aluminio.
O senador lucense José Manuel Balseiro aproveitou a súa intervención na Comisión de Industria da Cámara baixa para denunciar que con Sánchez “todo son boas palabras, pero ningunha acción” e lembrou os incumprimentos do PSOE cos traballadores de Alcoa. “Mantén bloqueados os parques eólicos, non mellorou o estatuto electrointensivo, non foi quen de garantir un marco eléctrico estable e competitivo para esta industria e tampouco apoiou, tal e como prometera, a construción do forno de cocción”.
MEDIDAS ESPECÍFICAS
“O tempo deunos a razón” indicou Balseiro tras lembrar que o PP se demarcou do decreto sobre os aranceis promovido polo Goberno Sánchez no mes de maio “e que se ten demostrado un fracaso”. Nese senso lembrou o recente S.O.S. que hai días lanzaba a principal asociación que agrupa á industria do aluminio galego e que alertaba pola falta de materia primara e o aumento de custes tras o impacto dos aranceis.
Desde o PP lembran que ata 80 empresas galegas exportas ou comercian co país norteamericano e hoxe vén como o Goberno non está ao seu carón. Por iso a iniciativa do PP pide que o Sánchez rectifique, cambien o rumbo, que recolla moitas das medidas previstas no plan alternativo proposto polos populares e que o Executivo estatal, poña en marcha medidas específicas de apoio para os sectores más afectados polos aranceis como é o do aluminio.
“DISPARATADA EMENDA DO PSOE”
Finalmente os populares lamentaron que o PSOE, en particular o senador galego César Mogo, que decidiu absterse, sexa incapaz de apoiar unha iniciativa en beneficio dun sector como o do alumino galego. Lembroulle que os socialistas rexistraron una emenda na que pedían recuperar o Real Decreto antiapagón, que nada ten que ver cos aranceis, derrogado no mes de xuño tras ser incapaz o Goberno Sánchez de acadar o apoio dos seus socios de lexislatura. En concreto, Junts, Podemos e o BNG votaron en contra desta normativa estatal. Tamén explicou que si o Goberno quere poñer en marcha o desconto do 80% no custe dos peaxes da industria electrointensiva pode facelo cando así o considere, pois só require de vontade e dun acordo do Consello de Ministros.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
