Xove, 13 de decembro, 2025. O Grupo Municipal Socialista de Xove levará ao pleno ordinario do vindeiro luns unha batería de preguntas centradas en cuestións que afectan directamente ao día a día da veciñanza, como o estado da rede de abastecemento de auga, a posta en marcha do centro de día, a convocatoria de actos informativos sobre proxectos industriais e o mantemento de instalacións municipais.
Un dos asuntos centrais volverá ser a problemática da auga da traída, despois de que nas últimas semanas chegase ás vivendas en condicións moi deficientes. O PSdeG lembra que esta situación non é nova e que se repite desde hai anos cando se producen choivas con certa intensidade. Preguntarán ao alcalde cando teñen previsto impulsar a renovación integral da rede, cun investimento acorde ás necesidades reais do concello e que poña fin de maneira definitiva a unha problemática estrutural coñecida e diagnosticada.
Outra das cuestións fará referencia ao centro de día. Os socialistas lembran que foi o PSdeG quen impulsou a proposta para a súa posta en marcha e que, malia que o goberno local anunciou a súa apertura, seguen sen coñecer cando se fará efectiva. “Xa o preguntamos en varias ocasións e non obtivemos ningunha resposta concreta: non sabemos cando vai abrir nin en que condicións”, sinalan.
O grupo municipal tamén preguntará pola charla informativa celebrada recentemente sobre a ampliación do encoro de lodos de Alcoa. Os socialistas solicitarán aclaracións sobre quen promoveu a convocatoria e por que non se garantiu unha difusión aberta e accesible. Critican que a sesión non fose comunicada ao conxunto da veciñanza nin ás parroquias directamente afectadas. “Celebrar unha charla deste tipo nunha aldea concreta, como Morás, sen informar a parroquias próximas como Lago, Súmoas ou Portocelo, xerou malestar e queixas, especialmente entre veciños de Lago que non foron avisados”, explican. Ao seu xuízo, un asunto desta relevancia debería abordarse nun espazo adecuado e cunha convocatoria pública para todo o concello, en especial para as persoas que viven nas inmediacións do encoro.
A formación trasladará tamén ao pleno a situación dunha fonte pública municipal que presenta un evidente estado de abandono, con perdas de auga polo exterior e elementos deteriorados. “É unha chapuza impropia dun espazo público; non debería ser tan complexo manter unha fonte en condicións axeitadas para o seu uso”, sinalan.
Por último, os socialistas preguntarán polo estado da beirarrúa situada fronte ao edificio de COGAMI, futuro centro de día, que continúa nunha situación moi deficiente e dificulta o tránsito de peóns, carriños e persoas con mobilidade reducida, máis aínda tendo en conta que a beirarrúa do lado contrario permanece pechada polas obras da residencia.
Desde o PSdeG-PSOE de Xove conclúen que estas iniciativas responden ás preocupacións reais da veciñanza e evidencian unha vontade de mellorar o funcionamento do concello e os servizos públicos. “Seguiremos levando ao pleno todas aquelas cuestións que afectan directamente ao día a día da veciñanza e esixindo respostas e solucións concretas, porque Xove merece un goberno que asuma responsabilidades, escoite á cidadanía e actúe con feitos”, conclúen.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
