Vegadeo, 13 de decembro de 2025. A Reserva da Biosfera Río Eo, Oscos e Terras de Burón iniciou unha nova etapa coa reactivación do seu Foro de Participación Social, un órgano clave de gobernanza que levaba nove anos sen reunirse. Este encontro supón un punto de inflexión na xestión da Reserva e reforza o compromiso das administracións e do territorio cun modelo de desenvolvemento sostible baseado na conservación do patrimonio natural e no impulso socioeconómico local.
A reunión estivo presidida pola directora xeral de Patrimonio Natural da Xunta de Galicia, Marisol Díaz Mouteira, e polo director xeral de Custodia do Territorio e Prevención de Incendios do Principado de Asturias, David Villar. Tamén participaron representantes municipais, grupos de desenvolvemento rural, asociacións do territorio e outros axentes sociais.
Durante o encontro subliñouse a necesidade de escoitar ao territorio e de situar ás persoas e ás actividades locais no centro das políticas públicas da Reserva. As Reservas da Biosfera caracterízanse por compatibilizar a conservación da biodiversidade coa xestión sostible e o desenvolvemento territorial, un equilibrio que só é posible mediante o diálogo e a participación activa dos axentes locais.
Desde o territorio, e a través da Asociación InterEo, lévase anos traballando en proxectos de cooperación con universidades, empresas, cooperativas do sector primario e distintas administracións, moitos deles financiados con fondos europeos. Estes proxectos —algúns xa finalizados e outros en execución— consolidan o papel da Reserva como motor de desenvolvemento e cohesión territorial.
Así mesmo, trasladouse ás administracións autonómicas a importancia de manter un compromiso firme e continuado coa Reserva da Biosfera, equiparable ao esforzo que desde hai anos realizan os concellos e as entidades locais. Nese sentido, a reactivación do Foro de Participación Social considérase un paso imprescindible para recuperar o tempo perdido e avanzar cara a unha xestión máis próxima á realidade do territorio.
A reunión permitiu tamén abordar o futuro da Reserva, co obxectivo de consolidar unha dinámica de traballo estable, reforzar a cooperación entre Galicia e Asturias e avanzar na planificación estratéxica. O vindeiro ano, o Principado de Asturias asumirá a presidencia da Reserva, coa previsión de celebrar polo menos dúas reunións anuais do Foro.
A reactivación dos órganos de participación da Reserva da Biosfera Río Eo, Oscos e Terras de Burón abre así unha nova etapa orientada a fortalecer a gobernanza, mellorar a coordinación institucional e afrontar de maneira conxunta os retos demográficos, ambientais e socioeconómicos do territorio.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
