Trabada, 17 de decembro de 2025. O alcalde de Trabada, Rubén García, xunto coa concelleira de Medio Rural, Rosa Pérez, realizaron hoxe a tradicional visita de Nadal ao Centro de Atención a Maiores (CAM) e CEIP Celso Currás, unha iniciativa que se repite cada ano nestas datas tan sinaladas.
Durante a visita, o alcalde e a concelleira compartiron uns momentos cos maiores e co alumnado do centro educativo, aos que lles fixeron entrega dun pequeno detalle como mostra de cariño e recoñecemento. Estes encontros teñen como obxectivo manter un vínculo próximo e familiar cos distintos colectivos do municipio, especialmente coa infancia e coas persoas maiores.
Rubén García destacou que “o Nadal é un momento especial para achegarnos ás persoas que forman parte esencial da nosa comunidade. Estas visitas permiten compartir tempo, escoitar e transmitir proximidade tanto aos nosos maiores como aos nenos e nenas do concello”.
Pola súa banda, Rosa Pérez subliñou a importancia de “manter viva esta tradición, que reforza os lazos entre o Concello e a veciñanza, e que contribúe a facer destas datas un momento máis humano e próximo”.
Desde o Concello de Trabada ponse en valor a boa acollida destas visitas, que forman parte do compromiso municipal de acompañar, coidar e estar presente na vida diaria dos centros e colectivos do municipio, especialmente en épocas tan significativas como o Nadal.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
