Nota de prensa:
Basanta insta ao PP a rectificar o seu voto contrario a Residencia e ao Centro de Día.
O Parlamento debate o luns a construcción dun Centro de Día e dunha Residencia da Terceira Idade para Foz.
Foz, 11 de decembro de 2010.- O vindeiro luns o Parlamento de Galiza debatera na Comisión de Traballo e Benestar unha Proposición Non de Lei presentada polo BNG no que se insta ao Goberno Galego a que proceda a licitar a cargo dos Orzamentos deste ano unha residencia da terceira idade e un centro de día en Foz cun horizonte de remate no 2013. Segundo indicou Xoán Carlos Basanta “ a proposta que os nacionalistas levamos ao Parlamento coincide na súa literalidade coa aprobada polo Pleno da Corporación de Foz en data 27/03/2008 os tres grupos políticos da Corporación Municipal de Foz (PSOE, PP e BNG) acordaron solicitar da Xunta de Galiza unha Residencia de Anciáns para Foz que contase cun Centro de Día, facendo as xestións oportunas ao mesmo tempo para conseguir que o Padroado do Asilo de Foz cedese os terreos necesarios”.
O Portavoz nacionalista no Concello de Foz indicou que a demanda da Corporación focega está debidamente xustificada posto que “Foz é o segundo concello en poboación da Mariña despois de Viveiro sendo ao día de hoxe o único que non conta con Centro de Día nin cunha Residencia que cumpra con todos os requisitos técnicos e dotacionais axeitados aos tempos modernos. Incluso poboacións da Comarca da Mariña con menos peso poboacional contan actualmente con Centro de Día e/ou Residencia cando en Foz están censados ao redor de 2.300 maiores de 65 anos”. A maior afondamento Basanta insistiu que estes argumentos tamén os deu por bo no seu momento o Goberno Galego até o punto de que en 2008 primeiro o Vicepresidente da Xunta en declaracións a prensa e posteriormente veuse ratificada en escrito en escrito dese mesmo ano pola Unidade Técnica de Obras e Proxectos do Consorcio Galego de Servizos de Igualdade e Benestar (nº de rexistro 1586).
Xoán Carlos González Basanta urxiu ao Partido Popular a que rectifique a posición mantida no debate das emendas dos orzamentos onde o grupo que apoia ao goberno galego votou en contra da proposta desde equipamento para o Concello de Foz. O nacionalista dirixiuse de xeito especial aos populares de Foz a quen lles demandou que “antepoñan os intereses do pobo ao do partido e que cumpran con Foz. O sentido da votación do luns no Parlamento vai demostrar a que anda o PP local e que representa o PP local no PP galego. Se os populares de Foz non son quen de conseguir que o seu grupo apoie esta iniciativa tan necesaria e que ten a unanimidade social do pobo, malamente valerán para xestionar nada para Foz.”. Na mesma liña, os nacionalistas recordáronlle aos populares que o exercicio da acción de goberno require dar trigo e non predicar. “É unha broma de mal gosto que o PP de Foz formule grandes propostas para o futuro de Foz pero que na contra se negue a cumprir coas reivindicacións dos veciños de Foz”.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
