Hai exactamente 27 anos os gobernos de Aznar e Fraga desviaban a autovía do Cantábrico cara ao interior, por Vilalba, e privaban á nosa comarca dunha vía de alta capacidade que lle permitira medrar e desenvolverse. Esta traizón á área máis dinámica da provincia de Lugo resolveuse cun pacto entre administracións: sería responsabilidade do Estado construír unha autovía entre Barreiros e San Cibrao, da Xunta de Galicia entre San Cibrao e Ferrol.
A falla de infraestruturas na Mariña preocúpame e indígname como alcalde, como veciño e como enxeñeiro de Camiños. Son especialmente crítico coa A-74, a autovía da Mariña: con dous tramos trazados e publicados no Boletín Oficial do Estado (Burela – Foz e O Carme – Barreiros), a día de hoxe o Ministerio de Transportes aínda non comezou a súa execución, nin tampouco se expropiaron os terreos necesarios.
Que está a acontecer coa VAC Costa Norte en Viveiro, que lle corresponde executar á Xunta de Galicia e resulta un punto negro para a circulación? O 6 de agosto de 2010 publicouse no DOG o proxecto da VAC Costa Norte entre O Barqueiro e San Cibrao. Un novo proxecto que modificaba o anterior publícase o 7 de xaneiro do ano 2014…ata chegar ao 2018, cando a Xunta opta por un viaduto sobre a ría.
O 23 de outubro de 2018 a Xunta de Galicia de Feijoo asinaba coa UTE FHECOR INGENIEROS CONSULTORES S.A.-G.O.C. S.A. e por importe de 324.642,49 € a actualización do proxecto da VAC da Costa Norte entre San Sadurniño e Sanguiñeira e a redacción do estudo informativo e estudo de impacto ambiental da nova ponte sobre a ría de Viveiro e da conexión da VAC Costa Norte coa LU-540. O prazo de execución destes documentos era de 24 meses, ata outubro do ano 2020. O tramo San Sadurniño – Sanguiñeira foi publicado en maio do 2021, da ponte sobre a ría de Viveiro nada se sabe … Onde está ese proxecto? Por que se oculta aos veciños? Por que se desbota despois de telo contratado e redactado? Por que se garda nun caixón?
O martes da pasada semana, sete anos despois, o presidente Rueda desembarcou en Viveiro con carpa, tarima, pantallas, pompa e boato para presentar unha nova versión adelgazada ata a inanición (a cuarta para Viveiro desde o ano 2010): unha estrada convencional de algo máis de seis quilómetros e chea de curvas á que denominou “Variante de Viveiro”. Nin rastro de autovía, corredor ou vía de alta capacidade para cruzar Viveiro: a Xunta de Galicia abandona a VAC Costa Norte e quere construír unha estrada de montaña de mediados do século XX a 60 km/h, iso si, moito máis económica. No tocante á conexión co Vicedo, que continuará no seu illamento, anúnciase unha segunda fase que unirá Magazos con Covas sen prazos nin datas.
Respecto á famosa ponte de Viveiro –que ía ser a máis longa da provincia- nin rastro. Soamente, como curiosidade e para o recordo, unha infografía na web da consultora Fhecor. A foto dunha pantasma.
Fran Cajoto (alcalde de Foz).
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
