Xove continuou coa súa programación cultural de Nadal coa representación da obra “O Apalpador e a Nena Sen Medo”, da compañía A Xanela do Maxín, que tivo lugar este martes no Salón de Actos do Centro Cívico

O espectáculo, dirixido ao público familiar, combinou música, interpretación e participación da audiencia para dar vida á tradición do Apalpador nunha proposta chea de humor, fantasía e tenrura. A actividade buscou fomentar o teatro como ferramenta educativa e celebrar o espírito do Nadal cunha proposta accesible para todas as idades.