O BNG continúa coa súa campaña reivindicativa neste concello
Xove, 31 de decembro, 2025. O BNG de Xove colocou esta mañá unha pancarta reivindicativa na ponte de Pumariño para reclamar unha planificación seria e ambiciosa das infraestruturas viarias da Mariña, sumándose ás accións impulsadas polo BNG noutros concellos da comarca.
O PP non dá resposta ao problema estrutural de consexión viaria da Mariña
A portavoz municipal, Pilar Vázquez, explicou que esta iniciativa responde á preocupación polo rumbo que están a tomar os proxectos anunciados recentemente pola Xunta en Viveiro, “que volven apostar por solucións parciais e de curto alcance, afastadas das necesidades reais da comarca”. Segundo indicou, estas propostas “non dan resposta ao problema estrutural da conexión viaria da Mariña nin cumpren coas expectativas xeradas durante décadas”.
Desde o BNG de Xove lembran que foi durante o goberno bipartito da Xunta, no que o BNG tivo responsabilidades, cando se aprobou a variante de Xove, unha actuación concibida para mellorar a seguridade viaria, reducir o tráfico pesado polo núcleo urbano e avanzar nun corredor de altas prestacións para a costa norte. “Aquel modelo partía dunha visión global do territorio, fronte á improvisación coa que actúa hoxe o goberno da Xunta do PP”, sinalou Vázquez.
Os gobernos do Estado e da Xunta deixan á Mariña en clara desvantaxe
A portavoz nacionalista incidiu tamén na responsabilidade compartida das distintas administracións. “Mentres o goberno da Xunta do PP presenta proxectos que rebaixan prestacións e expectativas, o goberno do Estado do PSOE continúa sen avances reais nas infraestruturas da súa competencia, como a autovía A-74. Esta falta de compromiso conxunto acaba deixando á Mariña nunha posición de clara desvantaxe”, afirmou.
Xove, sen infraestruturas para o desenvolvemento industrial
Finalmente, Pilar Vázquez subliñou que o atraso na industrialización de Xove é
consecuencia dunha suma de factores acumulados ao longo dos anos.
“Xunto coa situación do dique norte de Morás, que segue sen desbloquearse, e cunhas infraestruturas viarias claramente insuficientes, estamos ante unha combinación de condicionantes que frean o desenvolvemento industrial do noso concello”, explicou. A portavoz do BNG engadiu que “este escenario foi tolerado durante anos polos distintos alcaldes da zona e, de maneira especial, polo rexedor actual, que asumiron esta situación sen esixir solucións aos diferentes gobernos”.
Acto público en Viveiro o venres 9 de xaneiro
Neste contexto, o BNG lembra que o venres 9 de xaneiro, ás 19:00 horas, terá lugar na sala multiusos do concello de Viveiro un acto público aberto no que se analizará a situación das infraestruturas na Mariña, coa participación de distintos sectores sociais. No encontro intervirán a portavoz municipal de Viveiro Iria Cotelo, o deputado no Congreso Néstor Rego, o deputado no Parlamento galego Daniel Castro e o concelleiro Seve Salgueiro
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
