Viveiro, 12 de xaneiro, 2026. Unha vez rematadas as festas do Nadal, e tras evitar facer valoracións nos días de maior actividade comercial, o PSOE de Viveiro considera necesario realizar un balance sereno pero claro da programación cultural impulsada polo actual goberno municipal.
Segundo os socialistas, a conclusión é evidente: o Concello non presentou iniciativas propias. A única decisión atribuíble directamente ao executivo local foi acurtar o percorrido da Cabalgata de Reis, deixando fóra Covas e Celeiro. Aínda que a medida podería ter aspectos positivos, acabou coincidindo cunha xornada de mal tempo e sen alternativas nin planificación complementaria.
O PSOE recoñece que os Reis Magos visitaron os centros sociais das parroquias, pero cualifica a iniciativa de ben intencionada pero pouco realista, ao realizarse en horarios demasiado temperáns que impediron a moitas familias achegarse, especialmente a aquelas con pais e nais traballando. “O Goberno municipal debe prever a realidade social da veciñanza”, sinalan.
Dependencia do tecido asociativo
Para os socialistas, toda a programación do Nadal descansou case exclusivamente no tecido asociativo, que unha vez máis demostrou compromiso e capacidade, mentres o Concello “se limitou a acompañar, pero non a liderar”. Critican que non houbo unha aposta clara nin un proxecto cultural propio para unha cidade de máis de 15.000 habitantes.
Un exemplo destacado é a ausencia da tradicional carpa na Praza, un espazo que permitía desenvolver actividades infantís protexidas da choiva, algo especialmente relevante en Viveiro.
Cambios na gala de maxia e ausencia da festa do 31
O PSOE tamén lamenta o cambio da tradicional gala de maxia do 28 de decembro, trasladada ao día 30 nun acto alleo ao Concello e organizado por unha empresa privada, con entradas a prezos propios dun espectáculo comercial e cun público maioritariamente de fóra de Viveiro.
Do mesmo xeito, critican que non se celebrase a festa do 31 de decembro na Praza Maior, unha cita xa consolidada e moi demandada pola veciñanza.
Falta de difusión e exceso de propaganda
As poucas actividades organizadas polo Concello estiveron, segundo o PSOE, escasamente publicitadas, o que contribuíu á sensación de improvisación e falta de programación.
En cambio, subliñan que non faltaron entrevistas da alcaldesa en distintos medios, “vendendo unha xestión que non se corresponde coa realidade vivida pola veciñanza”. Acusan ao goberno local de moita crítica ao pasado e poucos feitos propios.
“O Nadal non pode ser propaganda persoal”
O PSOE de Viveiro lamenta que o Nadal “se convertese nun exercicio de propaganda persoal en lugar dunha verdadeira política cultural pensada para a cidadanía, para a infancia e para facer de Viveiro unha cidade viva tamén no inverno”.
Conclúen que gobernar non é desfacer nin aparentar cambios, senón planificar, escoitar e asumir responsabilidades, algo que —din— “neste Nadal brillou pola súa ausencia”.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
