Unha representación do Concello de El Franco —integrada pola alcaldesa, Cecilia Pérez, e a concelleira de Educación, Cultura, Turismo, Saúde, Infancia, Mocidade, Igualdade e Facenda, Victoria Zarcero— presentará en FITUR un novo vídeo promocional do municipio

Dirixido por Eloy Couceiro e cunha duración de 3:23 minutos, o audiovisual recolle a esencia franquina, con imaxes de distintas localidades, referencias á música tradicional e á etnografía, e cun protagonismo especial para a Arte, tan presente na vida diaria do concello. O vídeo, con música do grupo Fabes de Mayo e titulado El Franco: el arte, el mar y la tierra, estrearase no stand de Asturias o xoves 22 de xaneiro ás 12:45 horas. A alcaldesa dará a benvida e, a continuación, a edil de Turismo presentará a proposta do concello: “un entorno que acoge, un rural que se vive desde el corazón”. A idea que transmiten é que El Franco non é só un destino, senón unha maneira diferente de mirar: o Arte do Mar e da Terra.