A mandataria provincial mantivo tamén, xunto á Deputada de Réxime Interior, Promoción do Territorio e Turismo, Pilar García Porto, varios encontros con representantes do sector turístico
Lugo, 22 de xaneiro de 2026. A Presidenta da Deputación de Lugo, Carmela López, participou hoxe na presentación da nova campaña promocional da Mancomunidade de Concellos da Mariña Lucense, que baixo o título A Mariña, unha viaxe á identidade rendeu homenaxe ás Caracolas que foron as mulleres pioneiras do turimo da Mariña.
Durante o acto, Carmela López subliñou a importancia de reforzar a proxección exterior da comarca e o compromiso da institución provincial coa súa promoción. “Nesta Deputación ides atopar en min unha aliada firme para que A Mariña teña a visibilidade que merece”, afirmou López, quen puxo en valor a identidade propia do territorio como eixo fundamental da campaña presentada e como elemento diferenciador da oferta turística mariñá.
A Presidenta referiuse tamén á historia das Caracolas, como un exemplo que resume a esencia da Mariña: mulleres que chegaban desde o interior en busca de saúde, descanso e benestar, e que atoparon na Mariña un lugar que “coida, que cura e que reconcilia co ritmo da vida”. Unha realidade que, segundo explicou López, “conecta directamente co modelo de turismo que se busca hoxe e no que traballamos dende hai anos na Deputación, un modelo ligado ao territorio, á cultura, ás persoas e á identidade”.
Así mesmo, a mandataria provincial felicitou á Mancomunidade con Rocío López ao fronte e aos concellos que a integran, polo acerto de construír un relato baseado na esencia da Mariña, “recuperando a súa memoria e proxectándoa cara ao exterior con orgullo e coherencia”, aseverou.
As Caracolas, pioneiras do turismo da Mariña
A campaña A Mariña, unha viaxe á identidade pon en valor o poder sanador do mar, o goce do tempo e un modelo de turismo de benestar e consciente, tendo como protagonistas ás Carolas ou tamén coñecidas como Canouras. A finais do século XIX e, especialmente, ao longo do século XX, estas mulleres procedentes dos municipios do interior da provincia achegábanse á costa mariñá para tomar os populares baños de mar, unha tradición que se consolidou tanto por prescrición médica como por recomendación de persoas coñecidas.
Esta homenaxe á figura das Carolas forma parte das propostas turísticas que vén desenvolvendo a Mancomunidade ao abeiro do Plan de Sostibilidade Turística na Mariña Lucense (PST), afondando na identidade do territorio a través dos seus valores, das súas tradicións e das súas xentes, e avanzando na recuperación e posta en valor dun patrimonio inmaterial propio da comarca.
Presenza en FITUR
No marco da súa presenza en FITUR, a Presidenta mantivo tamén, xunto á Deputada de Réxime Interior, Promoción do Territorio e Turismo, Pilar García Porto, varios encontros con representantes do sector turístico, co obxectivo de intercambiar impresións e coñecer de primeira man as iniciativas e necesidades do sector.
Lembrou ademais que mañá venres 23 de xaneiro, ás 12:30 horas, no stand de Galicia, presentará oficialmente a campaña Provincia de Lugo, Reserva Natural, que pon en valor a riqueza ambiental da provincia e aposta por un turismo sostible, non masificado e vinculado ao territorio. O acto estará conducido por David Vilares e contará coa participación do cineasta Oliver Laxe, en representación da Asociación SER e da Reserva dos Ancares Lucenses; e de Martiño Cabana, da Asociación Galega de Custodia do Territorio, pola reserva de Terras do Miño. Ademais, realizarase a estrea dun audiovisual promocional, que marca o inicio dun proxecto máis amplo de difusión da singularidade da provincia a nivel estatal.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
