Os populares critican “o descontrol” na xestión económica do bipartito que tamén “acumula atrasos na aprobación da Conta Xeral incumprindo a lei e derivando na perda do dereito do Concello a recibir subvencións”
Vilalba, 28 de xaneiro de 2026. O PP ve ao goberno local de PSOE e Vilalba Aberta “incapaz de presentar uns orzamentos municipais en tempo e forma” á vista de que “deberían estar aprobados no ano pasado para entrar en vigor o 1 de xaneiro, pero aínda non temos noticias dos orzamentos para este 2026”. Os populares consideran que “todo indica que o espello no que se miran é o do Goberno de Pedro Sánchez e Yolanda Díaz, que levan tres anos prorrogando os Presupostos Xerais do Estado. En ambos casos son, ademais, gobernos apoiados polo BNG.
“Este non é un feito illado”, segundo advirten dende o PP vilalbés; xa que tamén acumulan “atrasos reiterados na aprobación da Conta Xeral”. Tendo en conta que “esta é unha obriga establecida por lei, o seu incumprimento provoca a perda de subvencións e axudas que o Concello puidera percibir por parte doutras administracións”.
Os populares esixirán, polo tanto, no Pleno deste xoves que o goberno municipal tramite, someta a información pública e leve á sesión plenaria a Conta Xeral dentro dos prazos legais establecidos “poñendo fin a unha situación de incumprimento reiterado”. E tamén que elabore e presente para a súa aprobación os Orzamentos Municipais para o exercicio 2026 que permitan “garantir unha planificación económica seria, realista e acorde ás necesidades do municipio”.
O Grupo Municipal Popular cre que a xestión económica require “responsabilidade política e rigor para o cumprimento exhaustivo dos prazos legais”; así coma “respecto aos principios de transparencia e control democrático”. Pola contra, “o descontrol na xestión económica, a improvisación e a falta de planificación por parte do bipartito leva ao Concello a recorrer a prórrogas orzamentarias, contratos menores desorbitados ou decretos de Alcaldía sen rigor” que derivan en “políticas públicas ineficaces”.
PREGUNTAS
Os concelleiros do Partido Popular advirten do excesivo número de reparos suspensivos de Intervención que levantou a alcaldesa durante o 2025; de contratos menores correspondentes a servizos repetitivos e previsibles que, polo tanto, requirirían doutro procedemento; da aprobación reiterada de facturas con reparos de Intervención e das constantes modificacións de créditos.
Así esixirán explicacións ao goberno de PSOE e Vilalba Aberta sobre a xestión económica do Concello. E tamén sobre a falta de políticas para a dinamización económica do municipio. Fundamentalmente pola falta de apoio ao comercio local e de dinamización do polígono e da actividade industrial no municipio.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
