Chaman a “tomar exemplo” da acción do Goberno galego que, dentro das súas competencias, “adoptou medidas de prevención para protexer a cabana gandeira galega” que onte mesmo decidiu prorrogar un mes máis
Cospeito, 30 de xaneiro de 2026. Os senadores do Partido Popular pola provincia de Lugo -José Manuel Barreiro, José Manuel Balseiro e Juan Serrano- anuncian a presentación dunha iniciativa na Cámara Alta para esixir ao Goberno de Sánchez que lidere e impulse medidas urxentes, eficaces e homoxéneas, en coordinación coas comunidades autónomas, en relación coa dermatose nodular contaxiosa que supón un risco para o gando bovino.
Os senadores populares deron conta desta iniciativa durante unha visita a unha gandaría do municipio de Cospeito acompañados polo alcalde, Armando Castosa, para recoller as demandas do sector e coñecer de primeira man a preocupación en relación con esta enfermidade vírica que, aínda que non representa risco para a saúde humana, si ten un forte impacto para a saúde animal e a economía das explotacións.
Os populares lembran “o peso estratéxico do sector bovino”, especialmente en provincias como a de Lugo e no conxunto de Galicia “onde somos a segunda comunidade autónoma en censo bovino e a primeira en produción láctea”.
Ante a preocupación e a incerteza dos gandeiros, dende o Partido Popular esixen “unha resposta estatal” para protexer ao sector e garantir unha xestión sanitaria “coherente, proporcionada e eficaz”, toda vez que as medidas adoptadas ata o momento polo Goberno de España “foron insuficientes, pouco homoxéneas entre os distintos territorios e carentes de coordinación”.
Así, concretamente, o Grupo Popular esixirá dende o Senado ao Goberno de Sánchez que asuma un maior liderado e coordinación na xestión da dermatose nodular contaxiosa garantindo información epidemiolóxica actualizada e homoxénea a tódalas comunidades autónomas.
E tamén que adopte medidas concretas como impulsar ante a Comisión Europea revise a clasificación da enfermidade, que actualmente está clasificada como Categoría A, “que implica restricións moi duras e unha carga excesiva para as explotacións a pesar de que non supón riscos para as persoas”.
Tamén consideran necesario promover e financiar liñas de investigación para o desenvolvemento dunha vacina marcada, que permite diferenciar entre animais vacinados e animais infectados, para garantir a seguridade sanitaria e evitar sacrificios masivos.
Por outra banda, cren que se debe incorporar esta enfermidade ao catálogo de coberturas do sistema de seguros agrarios, con valores de compensación acordes aos prezos reais do mercado. E, do mesmo, actualizar tamén o baremos de indemnización por sacrificio obrigatorio.
PREVENCIÓN PARA PROTEXER A CABANA GANDEIRA EN GALICIA
Os populares animan a “tomar exemplo” das actuacións por parte do Goberno galego, dentro das súas competencias, para protexer a cabana gandeira galega e dar resposta ás preocupacións do sector”.
Neste sentido, lembraron que a Xunta, antes de que esta enfermidade chegase a España, realizou unha campaña de concienciación co sector para solicitar extremar as medidas de bioseguridade. A maiores, no momento que apareceron os primeiros casos en Girona, reuniuse a todo o sector para explicarlles as medidas de prevención que se tomaron, e que foron variando ao longo dos meses en función das recomendacións dos técnicos segundo a situación epidemiolóxica. Neste sentido, onte mesmo o Goberno galego decidiu prorrogar un mes máis as medidas cautelares co obxectivo de protexer a cabana bovina galega.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
