O PSdeG cualifica os feitos de extrema gravidade e anuncia que levará a situación ao Parlamento de Galicia e ao vindeiro pleno municipal para esixir explicacións e garantir a protección das persoas usuarias
Cervo, 2 de febreiro de 2026. O PSdeG-PSOE de Cervo denuncia publicamente unha actuación que cualifica de “extrema gravidade e absolutamente intolerable” por parte do goberno local do Partido Popular, tras coñecer que persoal municipal se presentou no domicilio dunha persoa usuaria do Servizo de Axuda no Fogar, con dependencia recoñecida de grao III, para solicitarlle que asinase un documento que implicaba a redución voluntaria dunha parte das horas de atención que ten recoñecidas.
Segundo trasladaron os familiares da persoa afectada á voceira socialista, María Luján Ramos, os feitos producíronse o pasado xoves, cando unha técnica municipal se presentou sen aviso previo á familia no domicilio da usuaria para solicitarlle que asinase un documento no que renunciaba voluntariamente a unha parte das horas de atención que ten asignadas. “Falamos dunha persoa con dependencia recoñecida de grao III, sen capacidade para comprender nin asinar un documento destas características. Se non chega a ser pola intervención dunha familiar, que chegou ao domicilio nese momento e pediu comprobar que se lle estaba dando a asinar, tería renunciado a parte das horas de atención ás que ten dereito” advertiu.
Dende o PSdeG tamén alertan de que ese mesmo día se terían producido actuacións similares con, como mínimo, outras dúas persoas usuarias no municipio, un feito que xera unha fonda preocupación entre as familias afectadas e que leva aos socialistas a cuestionar as formas e a falta de garantías coas que o goberno municipal do PP está a xestionar este servizo público esencial.
Para as e os socialistas de Cervo este suceso é “inadmisible, gravísimo e impropio de calquera administración pública”. “Estamos a falar de persoas dependentes, sen capacidade para asinar este tipo de documentos e ás que se tentou inducir a renunciar a dereitos que lle corresponden. É absolutamente inaceptable que o goberno do PP permita ou impulse actuacións deste tipo contra persoas especialmente vulnerables”, subliñou a voceira.
O PSdeG anunciou que esixirá explicacións ao goberno do Partido Popular polos feitos acontecidos e que levará esta situación ao Parlamento de Galicia. Ademais, trasladará o asunto ao vindeiro pleno municipal de Cervo, onde reclamará ao Executivo local explicacións públicas, a asunción de responsabilidades políticas e garantías efectivas de protección para as persoas usuarias do servizo.
“Estamos a falar dunha actuación moi grave que afecta aos dereitos de persoas dependentes e que non pode quedar sen consecuencias. O SAF é un servizo público esencial que debe prestarse con todas as garantías. Dende o PSdeG imos actuar con firmeza para aclarar o sucedido e para que o goberno do PP deixe de xogar cos dereitos das persoas máis vulnerables”, concluíu Ramos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
