Burela, 6 de febreiro, 2026. A Fundación Expomar e a Xunta de Galicia renovaron a súa colaboración durante un encontro mantido a semana pasada coa conselleira do Mar, Marta Villaverde. A entidade expresa a súa satisfacción por manter unha alianza institucional que se estende xa máis dunha década e que permite impulsar accións de promoción, formación e divulgación do sector marítimo‑pesqueiro.
Para este 2026, Expomar ten programadas múltiples actividades dirixidas a públicos diversos: profesionais da pesca, centros educativos, colectivos de maiores e inclusión social, hostalería, artesanía e gastronomía.
Xeración Peixe
Entre os proxectos en marcha destaca Xeración Peixe, iniciado en 2025 e centrado na sostibilidade pesqueira e o consumo responsable. Inclúe actividades interxeracionais e intersectoriais que culminarán en abril co Día do Peixe e o Congreso da Infancia e da Adolescencia.
Durante este primeiro trimestre, o programa está a desenvolver accións con centros educativos da Mariña, entidades sociais, centros de maiores e a Escola de Hostalería de Foz, que presentará un “petisco de peixe” e un menú pensado para comedores escolares.
Xornadas Técnicas e Encontro Empresarial
Expomar manterá o seu papel como foro de referencia coa celebración, os días 14 e 15 de maio, das XXXIII Xornadas Técnicas e o XXVII Encontro Empresarial de Organizacións Profesionais de Armadores. Estes encontros reunirán ás entidades máis representativas do sector para analizar o futuro da pesca e os retos actuais.
Presenza en eventos pesqueiros
A Fundación participará ao longo do ano nos principais eventos do sector, como Navalia e Conxemar en Vigo, ademais da Feira Expomar de Cabo Verde, acompañando á Consellería do Mar na promoción do sector galego.
O xerente, José Manuel González “Brais”, manterá reunións con empresas e institucións para comezar a promoción da próxima Feira Expomar, prevista para maio de 2027 no porto de Burela.
Feira Produart
Na primeira fin de semana de agosto, coincidindo coa Feira do Bonito, Expomar organizará unha nova edición de Produart, a feira de produtos do mar, artesanais e ecolóxicos, que alcanza a súa 24ª edición. O evento pon en valor a sustentabilidade dos recursos pesqueiros, a tradición artesanal e o patrimonio cultural de Burela.
Turismo e Orgullo Mariñeiro
A Fundación continuará impulsando o turismo mariñeiro, participando na creación da Red Nacional de Turismo Pesquero e promovendo actividades divulgativas arredor da pesca e os seus oficios, con rutas, visitas e accións culturais.
O ano pechará cunha nova edición do Día do Orgullo Mariñeiro, previsto para comezos de decembro, que combinará divulgación nas escolas, promoción do consumo de peixe, actividades culturais e unha degustación popular gratuíta.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
