Viveiro, 6 de febreiro de 2025. O Concello de Viveiro recuperará este ano o Pregón do Entroido, unha tradición que formou parte da historia desta celebración no municipio. Nesta edición, será o acto de inicio da programación e terá lugar no Teatro Pastor Díaz. Deste xeito, Perfecto Parapar Trasancos será o encargado de inaugurar o Entroido 2026 o xoves 12 de febreiro ás oito da tarde.
Perfecto Parapar Trasancos é un veciño de Viveiro moi vinculado ao Entroido e que mantivo unha relación continuada con esta festa durante os anos. Deste xeito, o Pregón porá o foco no recoñecemento da participación e do compromiso persoal coa tradición popular do Concello.
O Entroido de Viveiro conta cunha tradición moi arraigada e, historicamente, desenvolveuse con diferentes formas de participación. Nas parroquias celebrábase o entroido do rural, en lugares como Landrove, Galdo, Valcarría, Magazos e San Pedro. No ámbito urbano, a festa combinaba actos en casinos e salóns de baile con celebracións na rúa, nas que se incluían datas e costumes como os Xoves de Comadres e Compadres, o Domingo de Entroido, o Martes de Entroido ou Martes Gordo e o Enterro da Sardiña, co que tradicionalmente se pechaban as celebracións. Nalgúns períodos tamén se organizou o Domingo de Piñata, previo á Coresma.
Ao longo das décadas tiveron presenza as comparsas e tamén as murgas, con acompañamento musical e coplas de carácter satírico e de crítica social e política. Nos anos 60, un grupo de veciños impulsou a festa na rúa mediante comparsas organizadas baixo fórmulas que permitiron manter viva a tradición, e esta continuidade prolongouse nas décadas seguintes.
Na actualidade, o Entroido de Viveiro conserva elementos que forman parte da súa identidade, como o Enterro da Sardiña, no que os participantes se atavían con sabas brancas, e as Alpuxarradas, que se celebran no Teatro Pastor Díaz. Ao longo destes anos tamén se mantiveron ou destacaron diferentes comparsas e persoas vencelladas á festa, que contribuíron a sostela no tempo.
O Concello de Viveiro quere agradecer de xeito expreso ás comparsas, aos grupos e ás persoas que, a título particular, manteñen vivo o espírito do Entroido ano tras ano. Grazas ao seu traballo e implicación, a sátira e a crítica social seguen formando parte dunha celebración que se entende, sobre todo, desde o humor e desde a participación da veciñanza.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
