Foz, 8 de febreiro, 2026. Pernas do Centiño celebra en 2026 o seu 43º ano desfilando no Entroido de Foz, unha traxectoria que reflicte a continuidade xeracional do grupo: o que comezou cunha cuadrilla de mozos de vinte anos conta hoxe con integrantes que xa desfilan xunto aos seus propios fillos.
O nome do grupo naceu nos anos 80, inspirado por un conxunto de Ferrol chamado Pernas del Río, que participara no desfile de Foz. En homenaxe a elas e ao río Centiño, que desemboca na ría, adoptaron o nome Pernas do Centiño.
Ao longo de máis de catro décadas acumularon innumerables disfraces, pero un dos máis lembrados foi o de Tarzán, unha das propostas máis arriscadas. Aquel ano entraron na dársena en barco e, antes de comezar o desfile, o integrante que facía de Boy caeu á auga.
Xa durante a actuación, o frío extremo e unha escena na que Tarzán debía “salvar” a Boy dun crocodilo complicaron a posta en escena, que rematou cos protagonistas case espidos soportando un vento xeado durante todo o percorrido.
Outro momento histórico foi o desfile de 2006, no que representaron á orquestra Mozart. A choiva e o vento obrigaron a moitos grupos a retirarse, pero Pernas do Centiño decidiu continuar, evocando o espírito da orquestra do Titanic e completando o traxecto baixo un temporal memorable.
Co paso dos anos, o grupo converteuse nun clásico do Entroido focense, recoñecido pola súa creatividade e pola expectación que xeran en cada edición. Non é raro escoitar entre o público o xa tradicional “Aí veñen eles” cando se achegan durante o desfile.
Pernas do Centiño está formado actualmente por 31 compoñentes.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
